- Project Runeberg -  Samlade vitterhetsarbeten af svenska författare från Stjernhjelm till Dalin / 1. G. Stjernhjelm, G. Rosenhane och J. Columbus /
322

(1856-1878) [MARC] With: Per Hanselli
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Johan Columbus

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has never been proofread. / Denna sida har aldrig korrekturlästs.

Nam tua/ ceu nosti, soror optima, dotibus illi
Mirandum raris formavit gratia pectus,
Plurimaque assedit totam complexa venustas.

Sed nihil est animo formosius; ille decoris
Artibus enituit, generosoque intus honesto
Omnia femineæ transscendit culmina laudis.

Quid mores niveos memorem sanctoque pudori
Servatas leges? Placidæ quid candida mentis
Gaudia, jucundam firmantia sponte quietem?

Quid magna domitos animi virtute faventis
Fortunae ventos, quae vela sinusque coercet
Praetumidos intraque modum pietate reducit
Spes nimio laetas atque in sua vota ruentes?
Virginis exstet ubi prudentia vertice rerum
Dignior, aut thalamum domini speciosius ornet?
Comiter illa viro, populis civiliter uti
Noverit; in tantae se conditionis honorem
Et virtute sua meritam venisse docebit
Et simul a nobis auras habuisse juvantes.

Hanc igitur Sueouum regi felicibus eja
Jungamus tædis, soror alma, ut pignore summo
Sanciat ambobus placidam lux candida pacem,

Et teneant populos magnorum foedera regum!
Talibus orantem vultu lætata secundo
Spectat et his fratrem sequitur Clementia verbis:
Humano servire bono indulgentia coeli
Nunquam tarda fuit; capiant interprete magno
Hæc quoque te, frater, nostri documenta favoris,
Ne, si sponte sua perstent arcessere poenas,
Invidiam superis faciant et vana querantur.

Dixit et, effulgens nutuque oculisque serenis,
Tres puri radios coeli, tria lumina sparsit
Et tria terrifica sine nube tonitrua movit.

Nec mora, sedati tellus, mare, flumina pacem
Ætheris et suaves carpunt genialiter auras.

Mitior Irene squalentia caedibus olim
Pectora rore pio et secreto nectare lustrat.

Sentit et infusum mundi flammantis amorem
Dania; jam Caroli felicibus addita votis
Udalrica venit, qualis de nube propinqua
Exit et in liquido superans micat aurea Phoebe,
Aut ubi purpureo radians Thaumantias ortu

<< prev. page << föreg. sida <<     >> nästa sida >> next page >>


Project Runeberg, Tue Dec 12 01:09:44 2023 (aronsson) (download) << Previous Next >>
https://runeberg.org/svsf/1/0340.html

Valid HTML 4.0! All our files are DRM-free