Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Indejecta malis mansit mens ardua tantis
Et fultura ^uU artubusna fuit.
Te simul atque alios dulci sermone levabas,
Multiplicemque tulit nobile robur opem.
Nam patria docte mistus gravitate favoque
Suavior Hyblaeo sedit in ore lepos.
Tota nec umbriferis aetas tua turbida nimbis,
Saepe sed aetheria candida luce fuit.
Ingenii rarae multa cum Pallade dotes,
Consilioque animus judicioque potens,
Et, fidi comites verae virtutis, honores
Pignora divini certa favoris erant:
Hia tuos cinxit venerabilis infula canos,
Nunc referunt summum cui pia sacra decus;
Huc longis etiam spatiis te distulit aetas,
Vocibus ut fierent regia sacra tuis,
Cum patrii praesens regni tutamen honosque
Caro lus ad populi fervida vota sui
Indueret coelo meritam praebente coronam,
Porrectam manibus, maxime mysta, tuis.
Talia venerunt tibi numine dona benigno,
Magna quidem, hospitium dum tibi terra iuit;
Sed quantum tellure abeunt coelestia regna,
Tanto plus almae nunc tibi lucis adest.
Hortus, inoccidui fulgent cui lumina solis,
Quem leni Zephyro mollior aura juvat;
Flumina quem vivis satiant crystallina lymphis
Divite laetificas ubere fundit opes.
Hic reficit fessum te fructus ab arbore vitae,
Aeternus mediam quam paradisus habet.
Ipse Deus, praebens sese sine fine fruendum,
Absolvit numeris gaudia plena suis.
At nos officii tibi debita justa supremi
Reddimus et moestas ducimus exsequias.
Dumque domos luteas moribundaque membra colemus,
Servabunt vultus pectora nostra tuos.
Nec prius a nobis dilecta recedet imago,
Cernere quam sedes te quoque laeta dabit.
Nunc ubi conspicuum gemmis et sindone pura
Adsociat patrum te sacer ordo sibi.
Hoc fidos relevat famulos solamine Christus,
Et pietas fines sic habet ista suos.
<< prev. page << föreg. sida << >> nästa sida >> next page >>
