Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
In
funus nobilissimi et generosi domini
dn. Gusta?! Ehrensteen,
copiarum pedestrium tribuni locum tenentis, qui multa in bello
fortiter passus in obsidione ad’ Christianstadium
anno 1677 pie obdormivit,
schediasmation
Johannis Columbi,
p. p. Ubs.
Vita quidem nulli se mancipat, ut sit in ipsam,
Jus homini; certam non manet illa diem.
Mors furit in quemvis, cælique accita vocatu,
Occupat immoto proxima quæque gradu.
Crebrior hos inter tamen et crudelior errat,
Quos videt intrepidos horrida castra sequi.
Anciptites casus sapiens incertaque belli,
Non timet, at patriæ consulit ille suæ.
Firmor ut rediens sanato corpore pugnet,
Obsequitor fatis, vulneraque alta ligat.
Sic ubi mors sequitur fortes præsentior ausus,
Et magis instantes, quam vaga corda petit;
Multiplici læsus fuit Ehrenstenius ictu,
Linquere cum pugnas cogitur ille graves.
Sæpius admonitus dubii discrimine Martis,
Vulneraque adverso pectore pulchra gerens
Sanguinei tandem valido jacet impete leti;
Sic habet eventos Martia vita pares.
Ac licet hoc functos ita munere certa sequatur
Gloria, proque suis sit cecidisse pium;
Dura tamen sors est ejus, quem tristis Enyo
Arripit, inque acies saevaque cuncta rotat.
Aut alios armis feriat sternatque necesse est
Aut hominum diras sentiat ipse manus.
<< prev. page << föreg. sida << >> nästa sida >> next page >>
