Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Glaucaque Cymothoe, Nesoque et læta Galene:
Tum Panope, Pronoeque et caetera turba sororum.
Nec non longa cava tibi perstrepet æquora coneha
Cæruleus Triton, ut cantibus ima resultent
Antra senis Protei veteri pendentia saxo,
Litoraque et gelidæ sinuoso in gurgite cautes.
Jamque carina novos ubi legerit hospita portus,
Omnibus officiis tellus tibi serviet, altos
Sive potas montes sacraque virentia lauru
Culmina, seu patulos libeat decurrere campos.
Felix ignotos dabitur cui visere lucos,
Frondentesque oleas et odoriferas cyparissos,
Tum citri nemus, et victricia germina palmas,
Flexipedesque hederas et olentia litora myrtos.
At qu» quondam Ithaci comites tenuere pigendos,
Nulla tibi patriae facient oblivia loti.
Quam miras urbes, quam splendida templa subibis,
Aeriasqtte arces et festa palatia regum!
Omnia quae refugit mea dicere fistula, sed non
Divinum refugit penitus tibi noscere pectus.
0 pater, immensum mortalia fata per orbem
Qui regis; hunc lætum jubeas, celeremque venire
Luciferum, reducis veniet qui nuntius Idæ.
Quo magnorum hærens complexibus ille parentum
Multa peregrini referet miracula mundi,
Ignotasque hominum formas et pectora nostris
Diversa ingeniis ac moribus, oraque linguis.
Tunc, pater alme, tibi solvemus vota libentes,
Atque novum sanctas hymnum dicemus ad aras.
Jamque ubi condignos maturus inibit honores,
Nos, sive inpreeso campum findemus aratro,
Sive pecus solita vacui pascemus in umbra,
Ingenium coeleste, suos quod praevenit annos,
Et niveos mores, mansuetaque verba canemus.
CORYDON.
Grata tua est pietas gratum mihi carmen, Amynta,
Nos utcunque etiam, nisi forte audire vetaris,
Mnemona dicemus; meruit quoque carmina Mnemon.
<< prev. page << föreg. sida << >> nästa sida >> next page >>
