Ungdomsskulen i Norge i 50 aar 1864-1914 / 14 (1914) Author: Haakon Aasvejen, Rasmus Stauri Table of Contents / Innehåll | << Previous | Next >>
	Project Runeberg | Catalog | Recent Changes | Donate | Comments? |

Full resolution (JPEG) - On this page / på denna sida - I. Folkhøgskulen - Folkehøgskular som er i gang no (1914) - 3. Telemarks folkehøgskule - 4. Namdals folkehøgskule - 5. Voss folkehøgskule - 6. Skogn folkehøgskule - 7. Møre folkehøgskule

<< prev. page << föreg. sida <<     >> nästa sida >> next page >>

Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

landsluter og kjende skulemenn fraa
grannelandi og.

Daa Ullmann i 1902 vart amtmann i
Bratsberg, overtok Jakob Naadland, som daa
var den eldste læraren der, folkehøgskulen, og
har sidan halde fram med høgskulearbeidet i
Seljord. Han tenkjer no aa flytja med skulen
til Kviteseid. Naadland er fraa Ryfylke, fødd
1870, gjekk paa skule i Stavanger, tok artium
der og andreeksamen i 1892.

4. Namdals folkehøgskule

vart sett i gang av noverande professor
Marius Hægstad i 1884 paa garden Hylla ved
Namsos. V. A. Wexelsen, som i den tid stod
i brodden for alt vinstrearbeid i Namdalen,
var vel den beste hjelpesmannen. Daa det
var i ei politisk stridstid skulane voks fram, vart
dei fleste høgskulemenn politikarar; men det
var og mange som fraa politikken gjekk over
i høgskulen. Marius Hægstad var ein av desse.
Han var ikkje grundtvigianar; han var
maalmann og radikal vinstremann, vart i 1892 vald
til stortingsmann og overdrog daa skulen til
andrelæraren sin, Ludvig Benum.

Dei 5 fyrste aari var skulen fast paa
Hylla, dei 3 næste i Namsos, men sidan paa
flytjing i ymse bygder heilt til 1911, daa eit
lutlag hjelpte styraren til aa skaffa skulegard
og bygningar i Haviki ved Namsos.

Ludvig Bernum (f. 1866) gjekk fyrst paa
folkehøgskulen aat Kuløy, tok lærareksamen i
1886 og vart aaret etter lærar paa den skulen
som han no styrer.

5. Voss folkehøgskule.

Fraa 1890 og utover vart det skipa
ungdomslag i bygdene mest over heile landet.
Denne ungdomsrørsla heng saman med den
folkehøgskulen vekte, og paa fleire stader har
ungdomslagi vore til stor hjelp for
folkehøgskulearbeidet. Den fyrste skulen
ungdomslagi direkte hjelpte til aa faa reist, var Voss
folkehøgskule, som vart grunnlagd av Olaus
Alvestad og Lars Eskeland i 1895. Voss
ungdomslag gav fritt hus fyrste aaret. Sidan
leigde styrarane hus til 1902, daa futegarden Seim
vart kjøpt til høgskulegard. Skulen fekk amts-
og statstilskot i 1896. Alvestad og Eskeland
styrde skulen saman dei fyrste aari. Alvestad
var samstundes styrar av bladet »Hordaland«.
Men alt dette arbeid vart meir enn kreftene
hans tolde. Han laut slutta med skulearbeidet
i 1902 og døydde aaret etter berre 37 aar
gamall. Eskeland har sidan vore aaleine um
styret av skulen, som har arbeidt jamt og stødt
med ein stor ungdomsflokk.

Lars Eskeland er fødd 1867, tok eksamen
paa Stord lærarskule i 86, var deretter lærar
ved fleire skular, m. a. ved Eftestøls lærarskule
i Elverum, til han flutte til Voss. — Millom
lærarar der kann nemnast B. Th. Anker, no
sokneprest i Ullensvang, og S. Øvretveit, som
grunnla Jærens folkehøgskule.

6. Skogn folkehøgskule.

(Fjærs folkehøgskule)

Denne skulen har fare fraa bygd til bygd
i mange aar. Ingvald Sakshaug fekk skulen
istand i 1898. Daa han i 1900 slutta og flutte
til Sund, fekk Anton Fjær den bevilging som
amtstinget hadde gjeve til Sakshaug. I 13 aar
har Fjær fare ikring og halde folkehøgskule i
N. T. amt, men fraa hausten 1914 skal skulen
bli fast i Skogn.

Anton Fjær (f. 1868) gjekk paa Hægstads
folkehøgskule, sidan paa lærarskulen i Seljord,
tok eksamen der i 1891 og var lærar paa
Namdals folkehøgskule til han i 1899 overtok
den flytja de folkehøgskulen som det aar vart
halden paa Høglandet. Martin Sivertsen har
vore medlæraren hans mest heile tidi.

7. Møre folkehøgskule.

Aaret 1898 er eit merkeaar i den norske
høgskulesoga, 16 av dei 22 folkehøgskular
som no er i gang, er uppretta etter den tid.

Hausten 1899 var det fire, som sette nye
høgskular i gang. Den eldste av desse var
Andreas Austlid, som i 20 aar hadde arbeidt
ved Hellelands høgskule i Ullensvang. Med
studnad av noverande stortingsmann Anders
Vassbotn, gardbrukar Jon Aasen og ellest
ungdom paa Sunnmøre skipa han Møre
folkehøgskule i Ørsta. Skulen var dei 3 fyrste aari i
heradshuset, men hausten 1902 kunde
Austlid flytja inn i eigne hus. I 1908 kjøpte
Sunnmøre ungdomslag skulen og valde Olav
Hamar til styrar. Han er fødd 1869, eksamen
fraa Hamar lærarskule, var i 6—7 aar lærar

<< prev. page << föreg. sida <<     >> nästa sida >> next page >>