Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
DEN BURTKOMNE FADEREN 377
„Men," sagde eg; „er det kje du som lærer at me
skal vera fullkomne?"
Han smilte. „Viljen vaar maa vera heil."
Eg tenkte med meg: ein slepp nok ikkje fraa han
med aa kalle han galin.
XXXIII.
Eg spyrr um det er sant at han kann lækje
Sjukdomar. Nei, segjer han.
Eg held fram.
„Dei fortel at du fær med aa beda for sjuke og
leggje Hendane paa deim. Eg vil segja deg beint ut:
eg likar ikkje sovori."
„Det lindrar stundom. Og ein skal freiste alt som
kann vera til Hjelp. For det er Kristindom, at me
hjelper kvarandre."
Eg tagnar. Han tek frami att:
„Mange er Vesaldomane vaare; dei fleste av deim
er Hugsott. Det er Sjæli som er sjuk. Og hev ikkje
den si Kraft, vinn alt vondt innpaa oss. Daa styrkjer
Bøni, um der er Tru; Sjæli samlar seg og fær ny
Kraft til Motstand."
„Hev du ein Gud som høyrer Bønir, so vis meg
han," sagde eg.
Han lo. „Ja Teikn vil me hava."
„Svara meg no. Alt det dé bed um skal dé faa,
stend det."
„I mitt Namn, stend det. Det er: naar me bed
som han bad. Men det var hans Bøn: verte din Vilje.
Stundom trur me aa sjaa Undere. Men beda, det
er kje aa gjera Trolldom i Guds Namn; gjenom Bøni
vil me lyfte oss upp til aa vilja Guds Vilje. Og vinn
me dette høgste, so fær me alt det me vil. Og det
er Livsens Forløysning, at min Vilje vert eitt med
Allviljen.
<< prev. page << föreg. sida << >> nästa sida >> next page >>
