Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
pumila, Flor. Pruss. Rubum caule unifloro, foliis ternatis, qui idem est
cum Rubo humili flore purpureo Buxb. Cent. V.3 quemque jam ante 15
annos Messerschmidius4 in Sibiria eleganter & accurate descripsit.
Struthi-opteris Cordi & Thalii Sylv. Here., quae copiose in locis uliginosis circa
hanc urbem provenit, est eadem planta cum Filice palustri maxima C. B.
Prodr. & Struthiofera Munting nec non & Lonchitide Norwegica majori
Pet. Muntingius et Petiverius folia tantum fructifera a sterilibus omnino
diversa viderunt. Occasione hujus dissertationem5 conscripsi, Commentar,
nostris inserendam, de omnibus Filicum late sic dictarum speciebus, qua;
folia obtinent duplicis generis, alia nempe sterilia, alia fructifera, in qua
etiam aliquot novae species Americanae describuntur et delineantur.
Genera Tua plantarum exacte ex vivis plantis definita esse, nullus dubito,
verum plurimarum character sumptus videtur e siccis tantum, aut ex
iconibus et descriptionibus minus accuratis, quales sunt Horti Malabarici.
Fieri ergo facile potest, ut non pauci errores irrepserint. De mutatis tot
nominibus scribis Te rationem reddere in Critica Botanica. Credo Te
secundum suppositas regulas in Fundamentis Botan. exhibitas egisse.
Verum plures forsan istarum regularum non omnibus probantur, adeoque
nec mutata nomina. Perpende quaeso, quod si unusquisque tales regulas
et axiomata pro lubitu assumere vellet, nominaque plantarum jam nota
A- optimis Auctoribus probata evertere, illorumque loco nova effingere,
quid tandem inde fieret? plus quam Babylonica nominum confusio.
Candide & sincere, non animo disputandi aut contradicendi haec scribo.
Siegesbecius, homo sui generis, criticam dissertationem, qua scripta Tua
dure satis reprehenduntur, praelo submisit, cumque desiderio D1 Archiatri
typis Academ. imprimatur, eam perlegendi occasionem habui.6 Brevis
admodum est, sed brevitatem, ut mihi quidem videtur, arrogantia &
invidia repensat. Idem sentiendum de praemissis huic dissertationi
fundamentis botanicis. Ceratocarpum florentem nondum vidi; capsulas autem
seminales literis hisce inclusas mitto, e specimine depromptas in ulteriori
Sibiria lecto, ubi Cuniculis salientibus longissima cauda instructis7 pabuli
loco inservit haec planta. Proximo vere, si me certiorem reddideris, quid
Tibi desit de centuriis Buxb. vel de Commentar, nostris, forte simul cum
Tractatu meo de rarioribus plantis Tatariae & Sibiriae, descriptionibus &
figuris illustratis, accipies.8
Vale & me ama. Scribebam Petropoli d. 15° Novembr. 1737.
Linn. Soc., Vol. I: 130—131. Engelsk öfvers. tryckt i Smith, Vol. 2, s.
192-196.
1 Carou LinxsEI Musa Cliffortiana . .. (Lugd. Bat. 1736).
<< prev. page << föreg. sida << >> nästa sida >> next page >>
