Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
VANSKAR, VILKAAR OG MAAL
FOR FOLKEHØGSKULEN
I.
Ein god ven har bede meg skrive upp tankane mine
um dette emnet. No gjer eg det — so godt og ærlegt
som eg kan — og sender det aat „Høgskulebladet".*)
Det vart sagt eingong at folkehøgskulen er
reformatorisk, har ein serskild misjon i folket vaart. Ja gjev vi
aldri gløymer det, anten i motgang eller medgang! For
her er innsida, mergen i treet, den heitaste drivkrafta til
arbeidet vaart. Sloknar denne reformator-elden, er det ute
med den skulen — kor mange store bygningar han so set
upp. Daa har vi att „hamen og namnet gjer etter den
dag berre meir skade enn gagn.
Men folket vaart er ikkje tent med aa misse desse
skulane. Dei maa ikkje døy att, andre gongen — dei mest
ærlege av svolt, og dei mindre ærlege vel helst paa den
maaten at dei „skikkar seg like med verda“, gaar upp i
henne — i politik, matstræv, reindyrking av alle
nyttefag, osb.
Desse skulane maa faa staa fritt: til bygda, til grendene
ikring, og til staten. For skal dei „sleppe seg lause“: d. e.
gjera si gjerning av innre drift som dei skal — vera
kveiken i det store deigtrauget — so kan dei ikkje godt
bli fleirtals-skular, korkje i den fyrste ættleden eller knapt
nok i den andre. Vi saag kor det gjekk med dette i det
*) Stod i „Høgsk.bl." 1922.
<< prev. page << föreg. sida << >> nästa sida >> next page >>
