Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
teorien fraa umsynet til bokmaalet; for ho strikar under at
det er «reglerne for det norske folkesprogs lydsystem»
ein maa fara etter naar ein skal «behandle» d. e.
normalisera uttaleformene. Ho gjer eit lite undanskil fraa dette
til slutt: lause tillegg til namni — altso tilleggsord som
«øystre», «austre», «syndre», «søre» — burde skrivast
etter det «sædvanlige skriftsprogs brug», meinte ho. Men
imot hovudsaki hev dette mindre aa segja.
Det er verknaden av arbeidet aat Ivar Aasen som
syner seg her. Atterklang ifraa skrifter av P. A. Munch
kann ein òg merka. Kann henda er det ein mann som
stod Aasen nær, som hev ført tilraadingi i pennen; det er
heller trulegt at Ludvig Daae fraa Solnør hev skrive henne.
Han hadde sterke nasjonale interessor, og var ein mann
med historisk sans og stor historisk kunnskap. Han var
med i Konstitusjonsnemndi i 1868—69. «Dagbladet»
nemner i 1878, at Daae hadde fyreslege ein revisjon av
stadnamni i 1869. Det munde vera denne tilraadingi det daa
meiner. Etter stykket aat L. Kr. Daa i 1836 er
«grunnsetningane» aat Konstitusjonsnemndi i 1869 det
merkelegaste, lyt ein segja, av det som hadde vore skrive um
namnesaki til den tid.
Heilt til faafengs vart no ikkje denne
nemndtilraadingi skrivi heller. Med aa godtaka henne utan motmæle
fraa nokon kant hadde Odelstinget faktisk akceptera det
princippet at norske gardsnamn skal skrivast paa norsk.
Stortinget tok desse same grunnsetningane upp att
seinare, som me skal sjaa, og gav dei si godkjenning i meir
positiv form. Og det hev ikkje gjenge ifraa dei seinare.
«Grunnsetningane» aat Konstitusjonsnemndi i 1869
repræsenterar framleides Stortinget sitt ord i denne saki, —
um so ikkje Stortinget hev sytt fyre aa faa princippi sette
fullt i verk.
<< prev. page << föreg. sida << >> nästa sida >> next page >>
