Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Í lýsing að morgni, er vöknuðum við,
ei vantaði rúmfötin nóg,
Því fjúknóttin hafði á flet okkar breitt
eins fets þykt af dúnmjúkum snjó.
Og forsjónin hafði ei að byrgja sem bezt
inn bænrækna Írann sinn hlífst,
Því yfir hann hafði hún skafið upp skafl
og skeflt á hann fönninni dýpst.
En sár-kalt var loftið, er sólin kom upp,
svo seinfær, og kólguna óð;
Það logaði í kverkum, í limunum sveið
og læstist um brjóstið sem glóð.
Í bungóttri fjalfellu af bláhvítri mjöll
var byrgt niðri völlur og gróf,
Og hrímþakin trén vóru svipleg að sjá
sem sálir úr helfrosnum skóg;
En módökkur náttkólgu-hringurinn hár
við heiðloftið svellgráa bar,
Það var eins og himinninn héngi við jörð
og hefði orðið samfrosta þar.
Í skýlausa hvelfing var skuggaop blátt
svo skýmulaust, gínandi, hljótt
Sem loftshliðið opnaðist langt uppi í geim
að ljóslausri gjörauðn og nótt.
<< prev. page << föreg. sida << >> nästa sida >> next page >>
