Full resolution (JPEG) - On this page / på denna sida - 2. Grændsebestemmelse mellem Norge og Sverrig i anden Halvdeel af det trettende Aarhundrede, efter et Pergaments-Haandskrift, ved E. C. Werlauff
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Þetta landamære hafua Iæmter ok Hælsingiar halldet,
sidan londen varo bygd, ok þeir golldet firer, hvarer sem a
hafua genget, ok hæfuer landamære nordr a Finmork or
Raudabergi ok taumburdr æfter Kilenom sudr, sua at
halfuer Kiollren ligger vester till Gioduikur, en halfuer till
Rafnasill* ok sua sudr æfter Kilenom mellim Rafnode* ok
Angarmannalandz, at halfuer Kiolren ligger til huars
rikissens ok sua sudr i Murubek*. Þædan taumburdr ok sudr
i Stolaholma firer austan Bodsio*; sua sudr taumburdr i
Myklaholm er ligger i Hafra*. Þædan taumburdr ok sudr
i Fiællzeid a Hoe*. Þædan taumburdr ok sudr i Mauroos*
tueim rastum firer austan ælfuar os*. Þædan ok i ana
Maulungh* ok æfter anne sudr i vatnet Maulung* ok
taumburd sudr ifuer Malung ok sudr i Siks os, ok sua i
Himsio. Þædan taumburdr ok i Amsa frengn*. Þædan i
Raudamra. Þædan i Riisbergh. Þædan taumburdr ok
sudr i ÞrondarkIætt*. Þædan i Trollagrof* sudr vidr ælfui.
Sua bar Þordr i Trosavik vitni ok XII ellimenn med
honum, at Noregsmenn bygdu fyrstunni Heriardal med
þeim atburd at madr het Heriulfuer hornbrioter, hann
var merkismadr Halfdanar konungs suarta; hann vard
firer konungs reidi ok flydi auster i Sviariki till Anundar
konungs; var þar vel med honum tekin, en þo misfæll honum
sua at han lagdezst med frenkono konungs þeirri er Helga
het, ok flydi after vester i Noregs kongs ríki i dall þan
er þa var alaudr er nu er kalladr Heriardall. Þa settuzst
þar (þau) Hælga ok bygd gerdu þar sem nu heita
Sliarosvellir*. Þeirra son var Hakon valr, hans son
Frode, hans son Herlauger hornstigi, hans son Þorer
droge, hans son Þorbiorn makarkalfuer, hans son
Þorbiorn gamle, son hans Dager, hans son Lioter, er fyrst
let gera kirkju i Heriardall, hans son Þorallde, hans son
Rafn, hans (son) Eilifuer tæppimadr, hans son Biörn, hans
son Þordr, hans son Hafþorer, hans son Asulfuer.
<< prev. page << föreg. sida << >> nästa sida >> next page >>
