Full resolution (TIFF) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
De miraculis S. Nicholai.
Hic consequenter ponuntur aliqua miracula, pauca de
multis, quibus post obitum suum a Deo clarificatus est
Dominus Nicholaus beate memorie quondam episcopus
lyncopensis, et primo de quodam Jacobo a multis
tribulacionibus liberato, videlicet captiuitate, vinculis, maris
fluctibus et alijs pluribus mortis periculis; et hec non
secundum ordinem cursus temporis, quo ista sibi contingebant,
sed secundum ipsius vouentis seu deponentis narracionem
describuntur.
Anno a natiuitate domini Millesimo CD Ij, vltima
die mensis Februarii, hora terciarum vel quasi prope
summum altare ecclesie cathedralis lyncopensis in presencia
dominorum Johannis Bonda, Laurencii Odonis, Ragwaldi
Anundi, Petri Øuinga, Olaui Pauli, Johannis Swartprest,
Frawidi Olaui canonicorum Lyncopensium Jacobus Baker
quondam pistor sancte memorie domini Nicholai episcopi
lyncopensis ad sancta Dei euangelia iuratus deposuit de
hijs infrascriptis: primo quod anno domini M° CCC.
XC. Vii, cum ad quindenam ante Penthecostes iuisset
de castro Mysgheborgh ducatus Stetynensis in Alemannia,
vbi tunc habebat domicilium, ad ciuitatem Anclem, falso
impetitus, quod interfuisset, dum quedam mulier fuisset
rebus spoliata, ita quod ipsa mulier spoliata diceret eum
esse verum illius facti perpetratorem in quadam silua
inter Wredland et Anclem, vnde captiuatus in domum
lictoris ducitur et vinculis in pedibus et collo duriter
constringitur ac per scabinum ciuitatis nomine Penselin
<< prev. page << föreg. sida << >> nästa sida >> next page >>
