Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
er þó fésæll maðr vanr at vera“. Váli segir:
„Nökkut er þat á ýmsum tungum; sumir ætla,
at í foruð muni hafa gengit, sumir ætla, at
reknir munu hafa verit til annarra heraða, enn
sumir ætla af mannavöldum muni vera“. „Mikit
er orðit bragðit“, segir Óspakr. „Já“, segir
Váli, „mikit er ok ilt, enn margar eru getur á
um þetta mál“. „Þat er ván“, segir Óspakr.
„Á þá leið er“, segir Váli, „er þó höfum vit
um þetta rætt, þá er því ekki at leyna, at þat
vilja sumir menn ekki kalla óván, at nökkut
muni af þínum völdum. Minnast menn á þat
alt saman, er þit Oddr skilduð stutt, ok þat, er
hvarfit varð litlu síðar“. Óspakr segir: „Eigi
varði mik, at þú mundir þetta mæla, ok ef eigi
værum við svá miklir vinir, þá munda ek þessa
máls sárlega hefna“. Váli segir: „Eigi þarftu
þessa at dylja, Óspakr, því at meiri ván er at eigi
beri af þér, fyrir því at ek hefi sét yfir ráð þitt,
ok kann ek þat at sjá, at miklu hefir þú meiri
tilbrigði um atföng enn líklegt er“. „Eigi mun
at því gefast“, segir Óspakr, „ok eigi veit ek
hvat fjándskapar menn várir munu tala, er slíkt
tala vinir várir“. „Já“, segir Váli, „þetta er
ekki af fjándskap mælt af minni hendi, fyrir því
at ek hefi við þik einn talat nú; er þú gerir
sem ek vil ok gengr við, þá mun þér eigi þungt
falla, fyrir því at ek mun setja ráð til þessa.
Ek hefi selt varning minn víða um herað, ok
<< prev. page << föreg. sida << >> nästa sida >> next page >>
