Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Ófeigr segir: „Getr þú vitleysu þessar, er
einskis er verð“. Gellir segir: „Eigi þykki
mér ráðit, hvárt at því verðr, enn ekki hefi
ek þessa svá fúss verit; meir hefi ek gert at
bæn ok vilja annarra“. Ófeigr segir: „Várkunn
er á við þik, er þú ert félítill, at þú ætlir
þér til hægenda fjárupptökuna“. „Já“, segir
hann Gellir, „til þess ætla menn“. Ófeigr
segir: „Forvitni mun þér á, hve mikit þú munt
af hljóta fénu“. „Mikil forvitni er mér á“,
segir Gellir, „ok seg mér“. Ófeigr segir: „Þér
átta munuð hljóta hálft Mels land, ok mun eigi
til meiri gæða koma, enn meiri ván, at Oddr
sé í hafi, ok mun hann vel kominn í öðrum
löndum, þótt þér farið með ósóma yðrum“.
Gellir segir: „Þá eru brögð í, ok kann vera
at satt sé, ok er þat eigi illa í sumu lagi“,
segir hann. Ófeigr mælti: „Gat hann þess, at
eigi væri örvænt, at hann hitti bæ þinn, ef
hann kæmi á Breiðafjörð, ok væri eigi tilgengilegt,
er þú kæmir heim“. Gellir segir: „Ekki
uggi ek þat“, segir hann. Ófeigr segir: „Nú
máttu sjá, hversu þessu máli er komit, at þetta
horfir eigi til virðingar né fjár, enn í öðru lagi
þetta, sem ek hefi rætt málit Odds; vilda ek þú
tækir við fénu ok litir á málit ok sæir, hversu
ólíkr hlutrinn er þinn eða þeira annarra, er í
eru málinu; er ok at segja þér, at aldri verðr
þér féfátt, meðan þit lifið báðir, enn eiga enn
<< prev. page << föreg. sida << >> nästa sida >> next page >>
