Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
enn eigi er þat all-ólíkt, at hvárrtveggi okkarr
gerir vistina illa. Þá vill Þórarinn upp standa,
maðrinn feitr mjök ok þungr á sér, ok studdi
höndum á kné sér. Þá mælti Egill: „Seztu
niðr, Þórarinn, því mun ek þér svara, at allr
þingheimr mun hlæja at þér“. Hann settist
niðr. Þá mælti Egill: „Nú gerðir þú vitrlega,
sem þú ert vanr; mér þykkir ekki til koma
at sveinar hlæi at þér, þótt þú sitir mjótt við
eld eða gnúir ölnboga þína“. Þá segir
Þorgeirr: „Heimsklega er gert at gera þrettán
aura“. Þá segir Egill: „Enn ek hugða at þér
mundi þykkja vel gert. Mantu þat eigi þú
vart lostinn austr á Árness leið; laust þik
hestasveinn nökkurr ok kómu upp þrettán kúlur í höfði
þér, ok þáttu lambá fyrir kúlu hverja“. Þá
mælti Skeggbroddi: „Járnskeggi“, sagði hann,
„göngum frá ok skiftum ekki orðum við hann“.
Ok gengu þeir braut, ok því næst allir þeir,
enn fé þat lá eftir, ok vill engi hafa, ok
gerist fjándskapr í milli þeirra, ok lýkr þar
þinginu.
9. Ófeigr ríðr norðr ok kemr hann á fund
Odds sonar síns. Var hann þá albúinn. Hann
spyrr, hversu málit hefði farit. „Ek selda þeim
sjálfdæmi“, segir Ófeigr. Oddr segir: „Lúk þú
manna armastr máli“, segir hann. Ófeigr
segir: „Eigi skaltu svá skjótt dæma frændi“ —
segir honum nú alt málit. „Eigi mátti mér í
<< prev. page << föreg. sida << >> nästa sida >> next page >>
