Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
no held til. Men um Mikkelsen-folke og den
unelege heimen deira uppi Trondheimsvegen skal
eg seinare fortelje.
Når Stokkes kom som gjester til Saastad i
stortidi der, vart dei henta i vogn med tvo spreke
hestar fyre. Eller um vinteren i breidslede med
bjønnefeld og kvitt "filer-tæpen" framyvi ryggen
på dei velkjende parhestane. No møtte mor og eg
på dampskipsbrygga utan hestar med songverk1
og annan stas. Men fest vart det likevel, og på
Diesen vart med ofte gjester.
Um Hamar sa onkel Stokke, at det var byen
med store torg utan mat og store postar utan
vatn. Desse ordi hev eg ofte hugsa ut gjenom åri.
Vatspostane midt på torgi var nok jamt tome,
men tilsist kom dei då heilt burt. Annleis med
torgi. Dei er den dag i dag mest like tome. Berre
på stortorge kan ein sume dagar sjå litt liv, helst
i bertidi um hausten. Men dei gode bygdefolk
som då står der med varone sine, fyller ikkje
halve torge. Dei andre torgi er enno fri
tumleplass for born og ungdom, opne og nakne som
dei ligg der og skrik etter treplanting og anna
som kunde gjera dei til ein pryd for byen.
Men takk vere Anne Diesen hev byen no
likevel fenge ein park. Den framsynte og rauste
gamle Diesen-fruva gav byen 9 mål av garden
1 Songverk: Dombjøllur.
<< prev. page << föreg. sida << >> nästa sida >> next page >>
