Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
15
stad mit truwen wolde bliuen edder sik in des
konin-ges kryge an vorretnisse schuldich weste dat de ut
togen wente se erer dar nicht hebben wolden. Des
togen ute der stad wol iijc [300] edder mer de mende
her Sten vnde her Thure dat wy de hyr in velegen
solden vnde spreken ze were ok mede in deme vrede
bedegedinget dat se vt vnd in mochten köpen vnd
vor-kopen vnde wolden des van vns tohand ene antwerde
hebben vnde spreken ok dede wy des nicht so wolden
se der koninginne scryuen dat wy den vreden nicht
enhelden Dar antwerde wy to vnde spreken dat wy
den vreden gerne weiden holden also en de stede
ge-degedinget hadden vnde hebben vnd meer wer den
vrede breke dat man deme syn recht dede, Vnde dyt
hebbe wy ok gescreuen an de sendeboden de nu up
dem dage synt, Item dut wol vnde sendet my iij
grawe laken van geryngem gelde dar man de
dor-wechtere yn clede vnd waterdregere vnd quernenteere
vnd wor des not is . Item sendet x grote rodden de
dar waken mogen wor des not is . Item wetet dat wy
alle dat molt dat wy vorbruwen uppe quernen möten
malen wente wy könen nicht to molen kornen wy en
weiden se denne suluen buwen, Vortmer scholde wy
der vitalgen brodere ledig werden so moste wi hebben
ij grote schepe vnd ij ballingere Der lüde bequeme
man hijr wol wente man de nemen mut de in den
scheren bekänd synt Ok dut wol vnd sendet vns so
vele bomolyes vnde manolyes also wy bederuen wen
de van Lubek hebben olye gebracht den wi lik nicht
enphangen wente wy sint dar nicht mede bewaret
Item dut wol vnde sendet vns ij wischere mid garnen
to des huses behuf wente hyr is vele vische Vnd dut
<< prev. page << föreg. sida << >> nästa sida >> next page >>
