Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
22
nichte, Vortmer wetet also vmme dat gelt dat wi van
der koninginnen van juwer wegen nu vp osteren solden
entphangen dar hebbe ik vmme gescreuen vnd
ge-manet beyde an de koninginne vnd an de jhene de
dar mede vore gelouet hebben, des heft de konynginne
here gesant her Sten Bentssoen vnd den archidiaken
van Lunden vnd eren cappellan vnd Nytcze [!] Vynsson
myt den hebbe wi dar vmme gewesen tho worden
Des menen ze wol dat ze vns willen bereden myt
koppere vnd myt yseren edder myt Lubschen gelde
vnd des synt wi noch nicht ens geworden-sunder wen
dat geendet wert so wil ik iw gherne laten weten, Vnd
vppe disse sulue beredinghe so hebbe ik hir gekoft
also vele moltes in also guden kope also gi dat here
senden mochten, des hebbe ik wol so vele alse ik
be-darff wente dat myn jar vmme kumpt vnd dat gi
denne enen anderen houetman here senden, deme
ge-uet so vele vitalige inede dat he dat slot möge mede
spisen, vnd dut wol vnd sendet vns nu mit den
ersten schepen viij leste roggen, iij leste soltes
blok-schottelen vnd spek Disses dinges möge wi nicht
en-beren, ök wetet alse wi dit slot hebben entsettet also
dat de van Lubek dat ouerste hus ynne hebben vnd
wy de vorborge vnd dijt hadde wi also gemaket, were
it den Steden behegelik so solde dat en jar also bliuen,
vnd ok hadde wi disse sake gescreuen an de
sende-boden vp den dagh de dar was to Helsingenborgh
Nu weren de van Lubek vnd vulborden dat vnd also
wi hebben vornomen so hebben dat juwe sendeboden
wedder toghen Hijr vmme dut wol vnd scriuen vns
en antwerde hijr vmme wo gi willen dat wi id sullen
holden. Vortmer vmme den houetman den de van
<< prev. page << föreg. sida << >> nästa sida >> next page >>
