Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
25
vnde schicket her Alberte gelt dat he dar nynen
schaden vmme dorue dun, vnde ik danke juw vor de breue
de gy my nu erst gesant hebben we my vnbequeme
were dat ik deme orloff mochte geuen vnde weren de
er gekomen so droffte man so vele geldes nicht
vor-teret hebben vnde ik hebbe nu wol liiij broteters myn
wen ik dit jar ouer gehat hebbe van losen-luden Hedde
ik de macht gehat der ik nicht geholden hadde vnde
werc dat sake dat ik veren edder vyuen mochte orloff
hebben geuen so hedde [ik] mit den anderen al mynen
willen gehat vnde so hadde ik dar nicht so grot na
gearbeidet mit breuen dat ik van hir mochte komen
wente my kostlike theringe vordrot also gi noch wol
vornemen sullen vnde ik hebbe noch hude vppe
dessen dagh meer lüde wen her Jorden heft van der
anderen stede wegen vnde her Albert de moet holden
x de hyr in deme lande kundigh sin Vortmer also ik
iw wol eer gescreuen hebbe wo dat wi dit slot gedeilet
hebben also dat de van Lubek dat rechte hus inne
hebben gehat dijt jar vnde wy de vorborgh vnde dat
hadde wy den sendeboden vppe den dagh gescreuen
wes ere wille hijr in were dar na wolde wy id holden
Nu hebbe ik wol vornomen dat id der van Lubeke
wille wol is gewesen dat wi also holden vnde vnse
sendeboden sullen dat wedder to rugge hebben getogen
vnde dar sint my noch nyne breue van gekomen vnde
ik hebbe dock mer wen enes dar vmme gescreuen.
Nu hebben de van Lubek breue here gescreuen vnde
ök de van dem Sunde dat de eren dyt jar ök sullen
varen in de vorborgh vnde wi up dat slot, hir möge
gi her Albert Ruszen ane berichten wo he dat sulle
holden wen he here kumpt dat he sik dar ane möge
<< prev. page << föreg. sida << >> nästa sida >> next page >>
