Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
62
gewesen hadde wi wolden yd node hebben gehindert
läten . vnde willen altyd gherne doen wes iuw leff ys,
Ok hebbe wi dat allen vnsen ammetluden beuolen dat
se besunderen den iuwen borgheren vnde kopluden
scolen vordernysse bewisen vnde by rechte beholden .
Vortmer bidde wi iuw dat efft vnse ammetlude van
Borendeholm yn iuwen lande wes bedrofften to ko-
-pende dat gi en dar to behulpen wesen vnde gunstich
dat se dat van deme lande vngehindert nu vnde wen
se des bedoruen moghen voren . Vortmer vmme den
schaden den iuwe borghere scolden genomen hebben
vnder vnsem lande Borenholm alse gi segghen vte
Arnold Duker schepe dar were lang aff to scryvende .
men wy sende nw vnse ammetman Pawel Deghen
van Borenholm de iuw wol berichten scal van vnser
weghene wo yd dar vmme gescapen ys vnde bidden
iuwe vruntscop . dat gi em louen wes he iuw dar ane
berichtet van vnser weghene . vnde ys van nenen
qua-den willen to komen van vnser weghen dat wi vns
anders dar nycht ane bewiset hebben also he iuw wol
scal berichten . Bedet an vns to allen tiden . Scriptum
Symershauen nostro sub secreto.
Utanskrift:
Vnsem sunderen vrunde heren Grozscheffer tzo
Maryenburgh an Prutzen scal desse
Original pä papper i K. Geheim-Archivet i Königsberg.
<< prev. page << föreg. sida << >> nästa sida >> next page >>
