Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
212
lüde edder meenhede iemande van vns an beiden
siden vorscreuen na desser tiid vorwalden vorvnrechten
beschedighen edder wedderstall dön wolden edder
de-den so Scholen wy koning vnde hertoghen
vorbeno-meden vnde vnse eruen vnde nakomelinge, vfte de
walt, vnrecht schade edder wedderstal scheghe an vns
vnsen eruen vfte nakomelingen riken landen edder
luden vorscreuen dat vorkundigen vnde witlik dön
vor-middelst vnsen erliken sendeboden edder breuen deme
erwerdighen heren homestere erbenomede edder sinen
nakomelingen . Weret ök so dat de vorscreuen walt
vnrecht schade edder wedderstal scheghe edder kert
wurde an vns homester vnde orden land edder lüde
so schole wy dat vorkundighen vnde witlik doen
vor-middelst vnsen enkeden sendeboden edder breuen deme
heren koninge vnde den heren hertoghen erbenomeden
vfte eren eruen edder nakomelingen doch so dat desse
vorscreuen esschinge vnde vorkundinge staa allene vp
deme here koninge vp ene side vnde des gheliik vp
deme heren homestere des ordens vorbenomeden vp
de andere side, Men weret so dat de vorbenomede
here koning afginge dat Ghot vorbede vnde dar
ne-mand von den Stettinschen heren na em koning wurde
so schal de vorbenomede esschinge vnde vorkundinge
hebben de oldeste here van den Stettinschen heren
de denne is So schole wy koning Erik vnde hertoghen
erbenomeden vnde vnse erue vfte nakomelinge vp vnse
eghene koste alse dat hiir na clarliker vtgedrucket
steyt deme heren homestere vnde orden erbenomeden
wen se vns de vorscreuene hulpe ansinnende werden,
vnde wy homester vnde orden des suluen gheliik deme
durchluchtighisten vorsten vnde heren deme koninge
<< prev. page << föreg. sida << >> nästa sida >> next page >>
