Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
228
dat schip myt dem rogghen segeide vt der Witzle
myt der Lubeschen vlote vnde wolden to Lübeke zyn
ghewest, des wart en de wynt to nouwe dat ze der
vlote nycht volgben en kunden, ze dorsten oc alleyne
nycht de see holden . och beuroechtende se sich dat de
rogge scholde heet werden alzus worden see des to
råde dat ze wolden seghelen to Aboo Do se hir vnder
dyt land qwemen tiegen Hoborgen do woerpen se alle
de breue ouer bort, de to Lubeke scholden sin
ghewest, vnde qwemen hir in de haffne vnde wolden
ey-nen sturman ghewunnen hebben to Aboo, so weren ze
hir wol bekant van inwoneren desser stad vnde
vra-ghendes wat ze hir deden, edder woruen, nach dem
male dat ze vt den Steden weren, des leden se
wed-der vluchtes vt der haffne, Des sint myne knechte
ghekomen vnde hebben schip vnde gud myt den
luden ghetoeuet doch hebben se des bekant dat
erbeno-mede Hermen Dikman hadde dar inne iiij leste
rog-gen Leue gnedighe here ik wil juw erwerdicheyt dat
segghen op myne ere vnde op myn en louen dat alle
desse vorscreuen sake vnde articule wys vnde
bewis-lich synt, Oft juwe gnade my des nycht belouen wolde
zo bidde ich juwe ersammen irluchtende werdicheyt
dat jw gnade my to scriffuen wil wo hoghe ik desse
vorscreuen wort vnde articule vorrichten schal des byn
ik to allen tiden bereyt och wilde ik volnoede den
al-ler mynsten de in juwer erwerdicheytz lande vnde
ghebede to hws horet toeuen hindren edder vortörnen
myt myner witlicheyt alz ich juwen gnaden ghescreuen
hebbe hir beuoeren Juwe irluchtende herliche ersamme
werdicheyt de beuele ich Gode sund vnde salich
stu-rende vnde to radende to langhen tiden Scriptum
<< prev. page << föreg. sida << >> nästa sida >> next page >>
