Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
262
vrund vnd gunnere wi begeeren jw to wetene wo dat
wi hebben in dem wege des rikes raades van Sweden
enen openen breff myd twelff ingesegele an jwe
wer-dicheet ludende alse desse ingeslotene vtscrifft wtwiset
vmme eczwelke sake tuschen konynge Eryke vnde vns
in welken breue juwe vorsichtige eerwerdicheet wol
vornemen werden dat grote vnrecht gewald vnde nood
alse vns öueregan ys vnde gesehen van eme vnde van
synen vogeden vnde ys nw gekomen myd macht in
vnse ryke sterkende syk to vnseme vörderue
vörder-meer nw alse eer, vnde wy meynen vnde wyllen syn
vnrecht vnde gewald nycht lenger tho liidene so suke
wy leue here besunderyge vrund vnde gunnere troost
vnde vruntschap an juwe leue de doch tuschen jw
vnde vns lange gestan hefft alse wy mid der hulpe
Godes hopen vordermeer steder vnde väster mid jw
to begrypene Hyrvmme bydde juwe louelyke
eerwerdicheet dat gy vnseme rechte bystan . Helpet vns nw
weren vnde bescheermen vnse recht vnde to
wedder-stande vnde aff to werende syne gewald vnde vnrecht
des geliiken do wy juw gerne wor gy kunden vns
be-höuende to seggen . Dar mede raadet vnde bedet wy
don gerne wes jw leef ys vnde scryuet vns juwe
gut-lyke antwerde, wes gy by vns don wyllen vnde wor
wy mogen to tiiden . In deme sy juwe eerwerdyge
geestlicheet Gode deme almechtigen beuolen to langen
tijden gesund vnde salich . Gescreuen to Suderköpinge
an deme negesten suuedage naa sunte Michils dage
in deme xxxiiij’0" jare vnder vnse ingesegelle van
vnser alle wegen
Knwt van Godes genaden biscop to Lynköpinge
Niclis Erengiszlesson vnde Boo Stensson ritte re.
<< prev. page << föreg. sida << >> nästa sida >> next page >>
