Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
273
Rade screuen juwer leue to van Watzsten mit juweme
erbaren Sendeboden Hern Tymme Hadewerke, vmme
de degedinge, alse dar vppe der Eilligen dreualdicheyd
Sondage gevated ward tuschen dem hochgeboren
vor-sten heren koninge Erikes sendeboden vppe de eyne
sijde vnde vnsen Sendeboden vnde Råde vppe de
anderen sijde so sint wij nw ok alle des Rijkes Rad
vnde man hir vorsammeld to Stocholm ok des synd
eyns geworden, dat wij senden veere van vnseme Rad
to Calmarn, efte erer dorch hinders wille nicht meer
dar to komen könen, to vuldragende de degedinge,
alse dar werden schal vppe divisionis apostolorum dat
is amme xv dage in deme mane Julio vnde willen
dar annamen vnde plegen ere recht vnde redelicheyd
vor juwe ersame wijsheyd vor den erwerdigen luden
dar desse degedinge to gesetted is, van beyden sijden
hochliken hopende, dat iuwe wijsheyde jo vns alle
besorge vnde vnse rijke in deme guden gelouen alse wij
to iw gesetted hebben, dat wij mogen komen wedder
to vnsen bescreuen rechte, priuilegien vryheyden vnde
guden oiden wonheyden, de wij leyder vnboren
hebben deme Rijke vnde vns allen to groteme vorderue,
Besunderliken ok biddende juwe leue, dat gij ok mit
deme suluen vullenkomen guden gelouen besorgen alle
de dar komen van vnser wegen, so dat ene nene
ouer-wald ensthe vnde dat y[t] werd wol vorward an deme
geleyde vnde velicheyden in aller mate sunder alle
arge list, alse sijk dat gebored dar mede raded vnde
beded, wij don gerne dat iuwer leue to willen is, Dar
mede sij juwe vorsichtige wijsheyd gode almechtich
beuolen zalich vnde gesund to langen tijden Gescreuen
Bidr. t. Shandin. Bist. II. 18
<< prev. page << föreg. sida << >> nästa sida >> next page >>
