Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
278
sin gekomen Hans Massow, Peter Hofeman, Pauwel
Kempin . vnd semelike andere vnse medburgere vnd
hebben vns clegeiiken to kennen geuen . wo dat se
etlike gudere ju schypper Bernd Stapell . ok vnseme
medburger xiij dage na sunte Johannis baptiste dage
negestuorgangen van hijer to Süderkopinge to segelen
geschepet hadden, vnde alse se in der Süderkopschen
scheren weren gekomen worden en ere gudere van
Magnus Bendtsson Magnus Qedden vnd Gesse
Olaffs-son vnd eren medehelperen inwoneren des rijkes to
Sweden vt deme vorscreuene schepe genomen . alse
wandt peper lynwand zardeck gropen vnd ander
gudere de se gud . alse vij° vnd xxv . marc Prussch
geringes geldes woren, also dat de vorscreuene persone
vor deme råde . to Suderköping mit eren eyden
hebben besworen vnd ok daruan wol mündlike
vnderrich-tinge doen werden . de vorscreuene Hans Massow vnd
Pawel Kremyn (!) . desse bewisere juwer aller werdicheit
vnd ersamen wolduchticheit de wij mit besunderem
andachtigen beden mit denstliken vnd vrundliken
bid-den, so wi güdlikst mogen dat gij den vorscreuenen
Hans vnd Pawel . vorderlik vnd bistendich sin willet
dat ene de vorscreuen guder von dem vörbenomeden
persone gutliken wedder gegeuen eft volkomene genoge
daruor gesehen vnd wedderfaren möge, werdigen
gunstigen leuen heren anseende vnd to herten nemende
sulke breue vnd vorschriuynge, alse gij werdigen vnd
erliken heren beide geistlik vnd wertlik, des rikes rad
to Sweden vns in vortyden vake vnd vele gescreuen
hebben vnd ok muntlik emboden hebben dat de
vnsen mit eren schepen vnd guderen fry upp de oiden
gewonliken tolle int land vnd wedder vt tosegelen
<< prev. page << föreg. sida << >> nästa sida >> next page >>
