Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
280
drozste in Sweden myt behegelicheit alles gudes
wyt-lik to wesende wo dat nu ouerme jare to heruest so
hadde ik mynen knecht Kerstiern Wytte ouer gesendt
in Prussen dem Got gnedich sy, vnde ik hadde eme
mede gedan en boten wasses vnde twe dusent werkes,
vnde dat schip bleff vor der Lebe vnde myn knecht
mede . Doch wart myn gudt beyde was vnde werk
geborghen, vnde alse myn wert to Calmeren Berend
Voghler my berichtet heft so hebben gy myn gudt
bekümmert vmme mynen willen, dar vore ik jw
vrunt-liken dancke vnde gherne vorschulden wil tegen iw
vnde den iuwen in gelychen ofte grotteren wor ik
vormach, Worumme leuen heren vnde vrundes bidde ik
iuwe ersamcheit alse ik vruntlikest mach dat gii dy t
vorbenomede was vnde werk geantwordet Hinrik
Becker iuwen medeborger van myner weghen, vnde wenne
gij eme dyt gudt geantwordet hebben so synt gij
myner qwyd ledich vnde loes, vnde ik wil jw dar godt
vore wesen vnde loue jw in craft desses breues, dat
gij nene namaninge ofte tosprake hir vmme hebben en
schoelen an tokomenden tijden, wente vorbenomede was
vnde werk hört nemande to in der werlt sunder Gode
vnde my . Dar mede sijt Gode beuolen to ewygen
tijden . Des to ener tuchnisse vnde warheit so hebbe ik
myn ingezegel gehengen läten an dessen breff
Ge-screuen to Calmeren des dinxdages vor sunte Mychel
na der bord vnses heren Cristi Mcdxxxvij"
Original j)å pergament med vidhängande sigill i staden Danzigs Arkiv.
<< prev. page << föreg. sida << >> nästa sida >> next page >>
