Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
288
hebben, men weret sake ersamen leuen heren dat vns
hefftige noetsake anlyggende wore van vorvalle krijges
wegen &c so dat wij dar van den vnsen to rechten
tijden nyinende hebben en konden so sint wij juwe
vorsichticheit biddende vns dat to nynen arghe to
leg-gende na dem wij belastet sint mit oerloge vnde
krij-ghe, so wettet vnse beste ersamen leuen heren als wij
juwer werdicheit wol betruwen jegen de Lijfflandischen
stede vnde wesset dar vor mit juwen wijsen raede
vmme vnser bede wyllen dat wij van en vnvordrenget sin
vnser eelden priuilegien vnde rechticheit, der se sich
vnderwinden vnde vns entweldigen dat juwer werdicheit
alto lang vnde vordretsam to scrijuende were
wodane-wijs se vns nu op dat nyge to Nouwarden des hilgen
ghestes sak entweldiget heben de in vor tijden mit vns
tor stede bynnen jnt godes hus gelecht is to mit vnde
behoeff der armen des gelykes ock des hilgen ghestes
taffelen, Ock so hefft vnse capelaen her Johan
Ghelre-man den wij lates to Nouwarden gesant hadden vns
berichtet wo em men de helffte des loens dat in
vor-tijden ordenert is geworden sy, Hir vmme Ersamen
leuen heren juwe vorsichtichet vns guden willen
be-wijse in dessen vorgerorden saken wente tor tijt wij
solue jegenwardich komen wes vns dan wert aff
ghe-secht van den ghemeynen henzesteden des sint wij to
vreden, Vordermer, Ersamen leuen heren so bidde wij
juwe vorsichticheit so wij vruntlikest mogen als desse
daghward ghesleten is dat gy vns dat willen bescrijuen
wes dar ghehandelt is vnde ghesloten vnde sunderlix
wo dat affschedent mit den Lijflandeschen Steden vnde
der Nouwardeschen reyse sij, war wij vns na mogen
wetten to rijchtende, Hir medr bevele wij juwe vor-
<< prev. page << föreg. sida << >> nästa sida >> next page >>
