Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
296
in Sweden de se mit werende hant vnde in viende
wise bekrechteden vnde brochten her in der stad to
Wiisby vppe Gotlande dar ik vppe sine gnade viende
boddem mit minen ghoderen mede was, wo doch dat
ik in sulker mate mit siner gnaden viende geweset
hebbe so hefft sine gnade my doch dat to des besten
keret vmme des erwerdighen gheystliken heren
Ho-meysters to Prutzen vnde sine orde vnde ok vmme
den ersamen van Dantzik willen vnde hefft my vnde
mineme knechte Peter vnse ghodere wedder gheuen
vnde to keret de wij in de schepen vnd vlote vnde
schicht mede hadden vnde bij vns dan so dat wij sine
gnade vnde siner gnade deneren dancke dar ik Hans
mit mine knechte Peter vorbenomeden hebben
vor-laten vnde vorlaten siner gnaden dener vnde
hoffge-sinde vor alle na maninge to sprake vnde vor allent
to seggent de dar vp schen muchte nw edder in
to-komende tiden vnde vurder vorplichten vns vnde
vor-wilkoren mit vnsen erffuen sine gnade vnde siner
gnaden deneren vnde hoffgesinde vnde eren erffuen not
loss schadeloss vnde qwit frij ledich vnde loss vor vns
vnde vor vnsen ghodern de mede in dessen
vorbenomeden schickt .geweset zint to holdende to ewich
tiden sunder jenigerleye hulperede edder argeliste
Dessen to merer vnde betere vorwaringe so hebbe ik Hans
Symon myn ingesegel mit wille vnde witscop hengen
låte vor dessen breff vnde vurder to tuchnisse vnde
witerlicheit so hebbe ik gebeden den ersamen herren
Johan Dusenborgh vnde her Jacob Halekow
Borghe-mestere vmme ere ingesegel mede to henggende an
dessen breff de gheuen vnde screuen is in der stad
<< prev. page << föreg. sida << >> nästa sida >> next page >>
