Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
308
eynen belegelike stede to sodanen antworde mochte
kornen dar sinen genaden gelijk offt recht mochte
ve-dervaren op dat alle vngemak desses jegenwordigen
kriges in vruntschop mochte gesleten werden, wente
offt des nicht en schege des God nicht en wille so
bevruchte wij vns des dat dar noch vele arges van
rijsen magh des mannich man in vnvorwynneliken
schaden kumpt . Vordermer erwerdige leue here na
dem vnse genedige here koning Erick den juwen
vmme juwer leue willen ere guder hefft weder gegeuen
dar se doch vt den rijken mede gezegeld weren dar
se vorkeringe vnde handelinge gehad hadden vnde ock
etliken den (!) de in de rijke wolde wessen so bidde wij
juwe genade so wij oetmodichlikes können dat juwe
genade den erborn van Dantzik juwe vndersathen
desses vnderwijsen vnde vormogen juw des mit en dat se
vnse guder vnde der vnsen de se dar mit en vynnen
conet vnde op höidet vorlaten willen vrij vnde qwijt,
welk wij to allen tijden vmme juwer werdicheit vnde
der juwen vordenen willen in alle dem wes wij
vormogen Juwe hochgelouede werdicheit spare God
ge-sund vnde salich to langen tijden Gescreuen vnder
vnser stad secret des vrijdages vor Palmen anno xlv.
Raedmanne der stad
Wysbu op Godlande.
Utanskrift:
Dem hochgeloueden Fursten vnde
mogenthaff-tigen heren hern Conrad van Erlychshusen homeyster
Dudesches oerdes to Prutzen vnsen ghunstiger
ghun-ner mit werdicheit gescreuen
Originalet i Kongl. Geli. Arkivet i Königsberg.
<< prev. page << föreg. sida << >> nästa sida >> next page >>
