Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
24
holde gunner vnde leue broder . Wy dancken ju
leff-liken vor vele vruntlike bewysunge de gi vns vnde
den vnsen vake bewyset hebben vnde besunder vnsen
sendeboden de nw last by ju weren, alse myt namen
her Erik luari vnde Hinrik Richelt, welk wy altijd
im gheliken edder grotern gerne wol vo’rschulden
willen. Item alse gi lichte wol eer manigherleyge
sage gehört hebben, wo etzwelke seggen, dat wy
konink in Norwegen syn vnde etzwelke seggen den
konink van Denemarken, dar vrame schriue wy ju nw
de warheyt der sake, Etzwelke van bisschopen,
ridde-ren, knechten, koppluden vnde mestepart der ganzsen
ghemeynicheyt van den bwren in Norwegen de
schre-uen vnde boden vns to, dat wy to Norwegen to en
in komen solden, alse wy ök deden, vnde toghen
langes dor dat rike dar in bet to Dronthem, vnde dar
worde wy ghehuldiget, ghewyget vnde ghekronet to
eneme koninge ouer al Norwegen, van deme
ertze-bisschope, bisschopen, prelaten, ridderen, knechten,
koppluden vnde van der ganzsen ghemenheyt, de dar
van dem ganzsem rike to Norwegen vorsammelt
weren, vnde alse wy dorch Norwegen togen in vnde vt,
so entfengen vnde huldigheden vns de van Norwegen
dat lefflikeste vnde erlikeste alse se jummer mer best
kunden, vnde alse wy rede weren wedder herwert, to
theende vt vnser stad Dronthem, do deden vns de
er-berorden guden lüde vnse vndersaten in Norweghen
beyde gestlike vnde wertlike enen openen breff mede,
de besegelt is myt eres landes inghesegel, ludende
alse gi vynden van worde to worden in desser
inghe-lechten schrifft. Wy enweten ju nw nene ander
mer-kelige, tidihge sundergen to schriuen. Juwe erwerdic-
<< prev. page << föreg. sida << >> nästa sida >> next page >>
