Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
54
mit dem vorbenomeden butzen schepe hefft to gesecht
etlike tydén, des ik juwer herlicheit vordermer begere
to wetten, dat ik op dit vaken genomde scbip eynen
minen dener vor schipheren gesettet hebbe, geheiten
Peter Hoen desses breues förer, deme ik des belouet
hebbe &c des my Peter vorbenomde wol berichtet heuet,
dat he sick des bevruchte. dat he vor dessem to
körnenden wynter dar vth juwer genaden landen na
prof-fite dit vorbenomde schip nicht könne weder vth
rey-den vmme vorvalles wyllen, als van gebuwetes wegen
&c war vmme ik juwe ghestlyke furstlyke genade
denstlyken biddende sy andachtiger bede dit vaken
genomden butzen schip mit thakel thouwe vnde to
be-horinge in juwer genaden beschermunge vnde zekeren
veyligen geleyde an to namende, dat it dar in juwer
genaden landen strömen vnde hauenen veylich möge
wessen vor alsweme, jaer vnde dagh na data desses
breues, aff vnde to, aene argh, dat ik to allen tijden
gherne jegen juwe herlicheit vordenen wyl war ik kan
vnde magh, vnde offt it sake were dat juwer genaden
edder gebeydegeren offt vndersathen alsulk eyn an
ro-rende were, dar solde my juwe genade gudwyllich inne
bevynden, des juwe herlicheit my wol ghetruwen magh.
Hir vmme, genedyge here, begere ik desses juwer
genaden scryfftlike antword mit den ersten, war ik my
na mogen wetten to rychtende. Dar mede sy juwe
ghestlyke furstelike genade Gode almechtich beuolen»
ghesund vnde salich to langen tijden wol mogende.
Gescreuen vnder mynen ingezegele in octava
visitatio-nis Marie anno liij.
Oloff Axelsson rytter vnde houetman op Wysborgh
van wegen myns genedigen heren koniug Cristyerns.
<< prev. page << föreg. sida << >> nästa sida >> next page >>
