Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
94
erste dat wy konden. Strax des morgens, alse wy van
dar gesegelt weren, do ging vnse leue vnde getruwe
Her Jurgen Karlesson, ridder, dem wy vnse slot
Stockholm medebeualen hadden, to der gemeynheit in louen
vnde getruwen vnde brochte en vnsen breff. Den
sul-uen her Jurgen grepen se do strax vnde worpen en
do in eren thorén, vnde leten strax de dar buten
weren in vnse stat vnde beleden vnse slot. Item alse
se schriuen, dat wy des rykes schat wech geforet
hebben, vnde begeren, dat vnse mit jw vnde in anderen
Steden säl gehindert vnde besettet werden, men heft
vns wol gekant, in eren vnde louen, ir wy könig
worden, so dat wy do weren eyner mit den rykesten
riddere, de do was in den ryken, vnde noch furder, ök
hebbe wy van Gades gnaden noch vnse eygenne
gu-dere, de eyne gude summe geldes vnde gudes alle jar
renthen, so dat nicht alle, dat wy hebben, van der
cronen renthe gekamen is. All weret ök van der
cro-nen renthe, so hape wy, dat se darvmme vp vns nicht
toseggen noch to saken hebben, wente de crone
horet Gade vnde vns to, vnde wat wy hebben, dat hebbe
wy erliken vnde reddeliken kregen, so dat wy
ne-mands dat syne affgerouet, affgeborget eddir mit
jenigen vnredelicheit affgekregen hebben. We recht
merken wil, so mach he wol prouen, dat na sulken
swaren krigen, alse wy geholden hebben, vnde so
ko-stele alse wy de slote in dem ryke vorbetert hebben,
so hebbe wy van propper der cronen renthe nicht
vele dirouergeth, ok sy wy so nicht vth vnsem ryke
getagen, dat wy id so slichtis ouergeuen meynen,
sun-dir vmme trost hulpe vnde raet, van fremden frunden
heren, forsten vnde Steden, darto dat se vns to rechte
<< prev. page << föreg. sida << >> nästa sida >> next page >>
