Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
96
de wy besundern mit em vthgenomet hebben, vns hir
weddir dergeliken recht plegen, vor dat, dat wy se to
beschuldigen hebben. Hadden wy so vngotliken,
vn-erliken vnde vmbarmliken geregeret vnde gedaen, alse
se vorludet hebben, so weret ouell, dat vns Got lydén
wolde, vnde dat wy in der werlde leuen schulden.
Wy hapen mit warheit vnde rechte to bewysen, dat
mangk alle irer clage säl nicht eyne war gefunden
werden, mer de vnere, de se an vns begangen hebben,
is meer gescheen vmme vnse gelt, cleynodie schone
hengeste vnde ander kostelhaue, de se vndir sick
delen vnde buten wolden, alse se endeels deden, by acht
dagen er wy to weten kregen, dat se vns arges
gon-den. Nw darup dat se sik des rechten tegen vns nicht
entlegen mogen, so hebbe wy vorworuen mit den
er-werdigen vnde ersamen heren, vnsen allirleuesten
heren vnde broder des konigs to Palen &c beide van
Palen vnde Prusserlande rederen, vnde ök den raet
van Danczik, so dat se velich vnde geleydet herwert
komeu mogen, hir bliuen vnde weddir tho hwsz
to-theen &c vor allerleye tosprake vnde zake, ane de wy
se mit rechte ouerbringen vnd ouerwynnen
können-Darvmme ersamen heren vnde guden frunde bidden
wy juw noch als vor mit hogesten flitigsteu begerden,
dat gy vns na sulken vnsen rechtuerdigen
toirbedin-gen willen helpen, to deme dar wy recht innehebben,
vnde willet ök leuen frundes desse vnse recbtuerdige
entschuldinge vnde erlike vnd billige erbedinge vmme
vnsen willen, allen vnsen vnde juwen guden fruuden
vorkundigen vnde vorschriuen, up dat se mogen weten
vnde hören vnse vnde vnsir vngetruwen grontlike vnde
clarlike warheit, van allen zaken. Dat wille wy gerne
<< prev. page << föreg. sida << >> nästa sida >> next page >>
