Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
126
Gustaff Karlsson, Fader Vlfson, Karl Magnusson,
Thure Thuresson, Erick Nypertz, Birge Trolle, Eskill
Ysacsson, Age Jensson, Gregorius Matsson, vnd Niels
Cristiernsson, riddere, den vorbenomeden Steden vnd
eren borgermesteren, radmannen, kopluden, deneren vnd
inwoneren, stedigen fulborden vnd confirmeren alle vnd
islike ere rechticheyde, priuilegia vnd vrijheyde, de
erer welke bezunderen edder een mit deme anderen
van saliger gedechtnisse vnnsen olderen vnd voruaren,
koningen to Sweden, vorlenet vnd gegeuen zint, alzo
dat ze der vnd erer islick, sunder hinder vnnser vnd
vnnser amptlude vogede vnd vndersaten, bruken
Scholen in aller wijse, articulen vnd puncten, alsze ze van
vnnsen olderen vnd voruaren, koningen to Sweden
vorberurt, vorsegelt zint, vnd weret sake, dat van
vnnsen voruaren, koningen to Sweden, edder vnns jenige
priuilegia offte breue jemande gegeuen weren, den
er-schreuenen Steden edder eren priuilegien to voruange,
dat de vermiddelst dessen vnnser confirmacien
gedo-det, vernichtet vnd kraftloss wesen Scholen vnd den
erschreuen Steden in eren priuilegien nene hindernisse
doen, vnd ock dat wij vnd vnnser rike vndersaten
ock bruken vnd geneten Scholen aller rechticheyde,
articule vnd puncte, dede desse vorbenomeden stede
vnnsen olderen vnd voruaren, koningen to Sweden,
vorsegelt vnd verbreuet hebben. Vnd des to merer
verwaringe vnd zekerheyd alle desser vorgerurden
stucke, so hebben wij koning Cristiernn vorgenant mit
vnnsen vorgeschreuen getruwen radgeueren vnnse
se-creet vnd ere ingesegele vor dessen breeff läten
hen-gen, de gegeuen vnd geschreuen is vppe vnnseme slote
Stocksholm an deme dage sancti Bonifacii, des hilli-
<< prev. page << föreg. sida << >> nästa sida >> next page >>
