Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
166
rad van Wisbw, wu dat se mit erer arresteringe nu
vmmentrent eyn jar all hir toueden erschreuen
Euer-des schip mit solte vnde appelen geladen, dar se den
schipperen van nomeden Gotschalk Westfaall vnde
nicht en wolden dat sulue schip laten segelen tom
Holme, des sick denne erschreuene Euert vormeynt
gröten schaden to hebben, den he gedencket van den
ersamen van Wisbw to manende &c. Ersamen
guden vrunde, ik begere jw hyr up to weten, wu dat de
erwerdige in Got vader vnde here bisschop to
Wend-zwsele, de edle gestrenge her Johan Oxse, myn broder
her Philippus, deme Got gnade, vnde ick quemen
vmmentrent exaltacionis crucis nest uorleden ouer eyn
jar vam Stokholme segelende in de hauene to
Wisbw, vnde do mit eyndracht to råde worden, dat
ne-mant tom Stokholme noch in Sweden van Gotlande
segelen scholde, vnses gnedigen heren viande to
spi-sende, de do de stad Stokholm inne hadden. Do wy
sodan vorbot deden, do leten wy de ersamen den
radh van Wisbw dar to uorboden, vp dat en sodans
scholde mede witlick wesen &c, vnde segelden sust
na Denmarken vnde leten all hyr mynen broder her
Philippus, deme Got gnade, vor eynen houetman van
vnses gnedigen heren wegene, deme do mit myner suster
vruw Annen, myns saligen broders her Oloffs
nagela-tenen wedewen, dat slot Wisborg wasz beuolen. Sust
hebbe ick wol warafftigen vornomen, als ok myn
suster erschreuene vruw Änne mynen broder her Ywar
vorstan leyt, er se in Denmarken voor, dat myn
broder her Philippus, deme Got gnade, vnd erschreuene
myn suster in jegenwordicheit des rades to Wisbw
vnde anderer vriboren manne sodan vorbot vornyeden,
<< prev. page << föreg. sida << >> nästa sida >> next page >>
