Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
197
gher vnde all entholden willen &c. Guden frunde
ju-wes vlites andacht vnde guder meninge wii juw sere
bedancken, men wii gantzliken vormoden vnnde nicht
entwiuelen, gii wol könen mercken, nach deme juw wol
witlick is, in welker mathe wii bii de riike gekomen,
endrachtliken vor eynen koning gekoren gesaluet vnde
gekronet sind vnde vnns dar nicht ingeweldiget
hebben noch ingedrungen, dat vns vnlimplik vnbillik vnde
vngeborlick is, wii den, de vns ineyneedich truwelosz
vnde erlosz an råde manschop, slotlouen vnde
huldinge gewurden sint, als her Karl Knwtsson, de dat rike
vnde krönen to Sweden vppe sinen gebogeden kneen
versworen vnde etlike vnse slote in Sweden van vnsen
rederen darsuluest mit vnser vulbort to vnsir truwen
hant entfangen hefft, dergeliken her Erick vnde Iwar
Axelsson, de van vnns vele vnse slote vppe slotlouen
entfangen vnde noch in wehren hebben, solke ere
to-tehen vnde don Scholen, dat wij de ersten, de solke
dage beleuen vnde vpnemen, wesen Scholen, als efft
wii den ersten anfangk desses kriges gedau hadden,
vnde darvmme vns ock tome ersten tor soene vnnde
böte geuen scholden, dar wij vns vnder togeuende
gantz vnberaden sint. Hirmede wij doch dessen
edder ock andere geborlike dage de vns limplick sint
nicht affenslahen. Doch leuen besunderen, efft juw nicht
wolde vordreten by her Karl Knwtsson vnde siner
bijliggeren furder tobearbeitende vmme eynen dach,
den se vnde nicht wii tome ersten vptonemende
be-leueden, vnde vns an stede vnde tijd beqweme were,
Scholen gii vnsir vngetwiuelt wol mechtig sin, vnde
gantzlik neen gebreck an vns deshaluen schal
gefunden werden, vnde gij guden frunde, als wii juw ock
<< prev. page << föreg. sida << >> nästa sida >> next page >>
