Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
205
vnde helden se in sware gevenknisse vnde
beschatte-den see. Vurder als vnse vnde konungh Cristerns
re-dere, na inneholde der deidinge, to Halmstede to
samende quemen, vnde koning Cristerns redere van
siner &c wegen nergen to keynen rechte ofte
redelik-heit sik wolden gutwillich vinden lathen, dar vmme
vnde oppe dat dat sulk blot stortend vnde
vorderff-like schade, de aver manigen minsschen geschehen is,
synt der tit dat koning Cristern ersth to koninge in
Denmarken gekaren wart, vnde de leider noch
dagelikes schiet, mwchte werden affgelecht, so boden vnse
redere vns vnde de vnsen dar do in vorbenomede
Halmstede so hogliken to rechte, dat alle
rechtverdi-gen de dat rechte vorfaren werden tugen, dat se vns
&c nicht höger to rechte beden konden edder
mwch-ten, dat dogh konung Cristern vnde de synen
nener-leye wis opnemen edder to lathen wolden. Vurder is
vns ok voregekamen, wo dat etzwelken vt den Hense
Steden welk schade to jare van Gotlande sal
geschehen sin. Is dem also, so* möge gy vorwar gelovcn,
vnde et sal ok so in der warheit gevunden werden,
dat sulk nement is gesehen sunder wnse weten vnde
vullenkamen tegen vnsen willen, wente Got van hemel
wet, dat wy alle vnse dage ny willen gehat hebben
vnde ok nwmmer willen dar to hebben, dat jenich
minssche sal berovet edder in jenigerleye matte op
eyn peningk wert gudes wnforrechtet werden. Dar
vmme bidde wy jw, ersamen heren vnde besunderen
leven vrunde, dat gy dar to helpen willen, dat sulk
blot stortent vnde vorderff möge affgelecht werden.
Gy Scholen vnser alle tit to eren vnde to rechte
vul-mechtigh wesen, als wy juwen ersainicheiden ok vaken
<< prev. page << föreg. sida << >> nästa sida >> next page >>
