Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
238
Åxewalt, welket wy em in guden geloven geantwart
vnde gedan hebben, vnde sede eme, dat alle de
ge-mevnen hijr im rike wolden koning Cristiern byvallen,
welket doch mit Gades hulpe in der warheit so
gefunden wert, dat vnse leven getruwen, vnde besunder
alle de gemeijnen hijr in vnsem rike mit vns erliken
vnde truweliken gefaren vnde geholden hebben sint
der tit, wij nw latest wedder by macht in vnse rike
gekamen sijn, vnde dergeliken mit vns erliken vnde
truweliken varen vnde holden willen, de wile wij
leven. Item na deme de samer nw so verne vorleden is,
vnde dat dar lange tit to boren wil, ere gij
können koning Cristiern besöken lathen vnde vns eyn
antwart van em wedder beualen, so tröste wij nicht
jenige dagfart besöken lathen ere vmme trent sunte
Bartolomeus dagh, vnde dar vrnme dat gy vnde mer
juwe vrunde so fele mynner moijé, kosth vnd teringe
vmme vns vnd vnser rike willen hebben mogen, so
wille wy de vorberorde dagfart lever besöken läten
in juwer stat Lubeke wän to Calmarne &c. Off gy
et so vorwareu können, dat vnse sendebaden mogen
mit eren volke, haffe, goderen vnde schepen frij vnde
felich van hijr to Lubeke varen vnde vrij vnde velich
dar bliffen, vnde der geliken ok vrij vnde velich vor
koning Cristiern vnde alle der synen vndersaten vnde
byliggeren van Lubeke hir wedder kamen, so sollen
vnse’ vorberorden sendebaden gewisse wesen op sunte
Bartolomeus dage nw negestb kamende to Lubeke, so
vern als en Got wil des windes vogen. Item als jw
de vake benomede koning Cristiern ok geschreuen
lieft, dat he nene vtliggers in de se wil lathen holden,
so möge gy vorwaro weton, dat her Thwre Turssone
<< prev. page << föreg. sida << >> nästa sida >> next page >>
