Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
250
der gestrengen her Erik vnde’ Ywar Axelssene behuff
seker geleyde gesand, dar van wij juw ware vidimus
vnde dar to vor juwe gnade de genanten her Erik
vnde Yware vnde de juwen sulff veerhunderste vnse
zeker velich geleyde dergelijken vnder vnseme
ingesegele by dessem vnsem leuen getruwen Johannem
Ber-senbruggen zenden, de gy alle lesende vol vornemende
werden, vnde de waren houedbreff heren koningk
Cri-stierns geleyde hebben wy to juweme vnde der juwen
besten in guder vorwaringhe by vns liggende, vnd
bidden deger andachtigen iuwe koninglike maiestad vnde
de Axelssene sulken dach vmme alles guden vnde
wolfart des gemenen besten willen nergene mede
af-stellen sunder yo besenden willen, wente wij heren
koningk Cristiern ök sulff veerhunderste in aller
mathe gelijk juw vnde de Axelssene in vnse stad de
er-screuen dachfart tobesokende geleidet hebben, vnde dat
juwe gnade vns by dessem suluen seker velich geleide
to behuff heren koningh Cristierns na nodrofft zenden
willen dergeliken, ök dat juwe gnade ernstliken wille
bestellen, dat her Ywar Axelssen de zine ane sümend
vth der zee rope, gelijk he vns gescreuen vnde
ent-boden hefft, vppe dat de vnschuldige zefarende man
vnbeschediged blyuen möge, vmme furder möye de
anders entstaen mochte to vorhodende, wo wol de zine
vaste totast in der zee gedaen hebben bouen zine
breue vnde toseggent, des wy vns an eme nicht
hed-den vormodet, vnde bidden andachtigen heren Ywar
Axelssen willen vnderrichten, he vnsen borgeren vnde
inwoneren ere genomene gudere wedderkere, angeseen
vnsen vlijt beth heer to bewiset vnde ök wes wy vppe
der erscreuene dachfart gudes don mogen, dat juwe
<< prev. page << föreg. sida << >> nästa sida >> next page >>
