Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
270
rechten &c, went dat gescheyn were, denne wolden se
den beiden deilen antworden vppe dat recht.
Welck van beiden sendeboden der koninge also
wart angenomet vnde beleuet myt vorvange der
vn-schedelicheit des rechten &c vnde deshaluen wolden
de beyden deile des sonnauendes, alse des andern
da-ges, de dar was xxi dach Octobris, des morgens vro
to vii vren vppe der suluen stede erschinen.
Item ame sonnauende vorg. sint vorgaddert
weder vppe der suluen stede de vorbenomeden redere
vnde vulmechtige der heren koninge vorbenomeden des
morgens to viii vren.
Dar de sendeboden des heren konings to
Denne-marcken den radessendeboden van den Steden vorg.
vnde in yegenwordicheit der radessendeboden vann
Sunde, de do gekomen waren, vorgeuen, begerden *vnde
eisscheden* to eres gnedigen heren behoff dat ryke to
Sweden weder ouergeuende vnde de koste, de ere
gne-dige herr gedaen hadde, na deme koning Karle syck
des sunder rechtes ordel, geistlick eder wertlick,
walt-liken hadde vndernomen, bouen syne eyde, dergeliken
to wederkerende, vnde to betalende.
Dar entegen de redere vnde mechtige koning
Karies vorgeuen, wo de herr koning Cristiern sick
ock waltliken hadde vndernomen Schonsyde
Bleken-syde Hallen &c, dat dem ryke to Sweden vor eyne
mercklike summen geldes were vorsat, vnde vorkofft,
vnde dar to Gotlande, dat deme ryke Sweden to
be-horde, vnder langen worden vnde vorlope vorgeuende,
begerden vnde eisscheiden se de lande to behoiff eres
gnedigen hera ock mochten weder krygen.
Dar entegen de mechtigede vnde redere koning
<< prev. page << föreg. sida << >> nästa sida >> next page >>
