Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
279
doch alrede genoch were bescheen, vnde so mochte de
dar to komen, de dar aldus lange nicht togekomen
weren, dat se dat wäl »betrachteden».
Dar to se antworden, kunde men konyng
Kristiern vormogen, he sick der vtredinge »nemynghe» vnde
beschedinge der veydehaluen den kopman vnde dat
ryke to Sweden to water to beschedigende wolde
ent-holden, se wolden sych eres hera vormechtigen
der-geliken, vnde dat beth des anderen dages to viii vren
na der radessendeboden begeren ouert rächten».
Ock forder vorgeuen de sendeboden der Sweden,
dat alle geistlike vnde wertlike des ryke to Sweden
hadden verlouet vnde vorsworen, dat se konyng
Cristiern eder neynen vthemeschen heran vor eynen
konyng hebben wolden.
Item ame dinxedage vor Symonis vnde Jude
synt vorgaddert de redere vnde mechtigede koning
Karies vnde de radessendeboden der stede vorg. Dar
de radessendeboden na vorhale des auescheides noch
begerden van den mechtigen k. Karies, wes se gudes
dar to gedacht hadden en tø entopene.
Dar de suluen na besprake to antworden, se neyn
ander myddel denne se des auendes »vorghegheuen»
hadden bedacht, dar by dechten se to bliuende,
be-haluer wolden de radessendeboden de sake annemen
ime rechten, ere gnedige here solde vppe desser dage
edder vppe eynem anderen dage, offte den koning
Cristierne annemen wolde, ere vnde rechtes geneten
vnde entgelden, vnder längeren anderen vorlope
bege-rende de radessendeboden dat noch tor anden dachr
fart bearbeyden, sodane ere vorgeuent vnde myddel
den sendeboden koning Cristierns to kennende geuen
<< prev. page << föreg. sida << >> nästa sida >> next page >>
