Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
84
den se denne de Steden in allen landen ere macht benemen,
so dat nene Stadt scholde [raden] aver tollen, zyse, schot,
recht, unde eene ysalick here scholde macht hebben in den
Steden in synen lande, and alle jähr enen nygen Raht to
settende wo enen [o:ehme] guth dachte, de scholde raden, so
lange de here wolde.
Item desse vorschrewen unde articul hadde myn es heren
gnade vor vnd myt dessen vorschreven heren, unde hadde
Gott Syne Gnaden dat lefen 2 offte 3 Jahr gegunt, he hadde
id alle fulbracht, gunnet Gott unsen jungen heren koninck
Hansen dat levent, dat ehm synes vadern jaoke to mate wart,
[o:wert] unde he to de macht kumpt de ehme getoget iss, so
werdt he uppe dese vorschreven articul denckende, unde wert
alle ding darna schickende unde vlijten, dat he ydt to wercke
wardt stellen.
Vorder wolde ick dat yuwe herlichkeyt Syne Gnaden
eyns8 to worden quemen, ick weet vorwahr, ghy scholden
juw myt ehm wohl verlijken unde broderschop holden. Men
ick vermode my, se sijnt in dessen Rijke, den idt nicht mede
scholde wesen, unde by namen int Rijke van Schweden,
wente eme lede is dat [de] togehelended wunden, de under
enen vulen grundt hebben, dat de in tokamenden wedder
upbreken werden, Men id is to fruchtende dat in
tokamenden jahrén, Gott gunne juwer herlicheyt lange to
herschop-pende in Schweden unde in frede unde in wolmacht, wenta(!)
de art van desse togehelenden wunde[n] yuwer herlicheyt
on-der oghen worpende werden, so se mynem gnedigen heren
dem koninck unde veer [o:mer] Edelinghen gedaen hebben.
Vorder gunstige here, ick bidde yuwe herlicheyt dorch
Gott, dat ghij desse schritte willende [orwillen] nemande
apenbaren; Mynes heren Gnaden hefft desse Stücke unde
verbünd so verborgen [geholden,] dat Myn gnedige Frowe, noch
unse junge here nicht [hir von] gewust, men een in der
Kent-zelye; Men do myn gnedige here lag in synen latesten, do
apenbarede he dat myner gnedigen Frouwen unde dem
jungen heren, darume dat he id scholde to wercke stellen, unde
scholde dat vorderen, unde ick vermode my, dat he id in
tokamenden jahrén nicht schal vergheten.
<< prev. page << föreg. sida << >> nästa sida >> next page >>
