Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
173
nicht tostedende, dat dat andere parth durch syn wedderparth
tör zeewerdt beschediget offt auerfallen werde, vnde eyn
je-welk parth vp syne egene koste vnde theringe dat donde
deme anderen parte to gedye vnde gude, ock en schal dat
eyne parth dat ander parth in sulker vorbedinge tör zeewardt
nicht vorlaten offte to Steden tobeschedigende, ock en schal
denne dat ene parth bauen dat mit syneme wedderparte nene
voreninge, vrede edder vorbunth maken sunder des anderen
partes vülbordt, medewetende vnde willen, welke desse vnse
voreninge vordracht vnde tohopesate van data desses breues
anstände süss jar langh sunder middel, negest na eynander
folgende, Bchal waren vnde duren. Geleuede ock beiden
parten dyt wor mede touoranderende, touorbeterende edder de
tijd touorlengende, schal men eyn jare dar beuoren, er desse
voreninge sick endiget, dar inne handelen vnde auer eyn
kamen, wo men dat dar mede. forder wille holden. Jodoch
schal desse vnse breff -vns vnde den vnsen, vnde ock de&
rijkes Sweden Rade vnde den eren, in vnsen vnde eren
priui-legien, vrijheiden, rechticbeiden vnde breuen, welkerleye de
syn mögen, nicht to uorfangen, hinderlick noch schedelick
wesen, sunder alle bij vuller macht, werde vnde krafft bliuen.
Alle vorg. puncte stucke vnde artikele laue wij
Borgerme-stere vnde Radtmanne der obg. Stede vor vns vnde alle de
vnse, den vorher. Rykes Råde to Sweden vnde alle den eren
geloffliken in guden getruwen, sunder geuerde, behelp vnde
argeliste, vnuorbraken toholdende, so Be vns dat wedderumme
lauen vnde ock also holden willen vnde Scholen dergeliken.
To merer orkunde, bekentnisse vnde vorwaringe hebben wij
Torben. Stede mit endrachtliker beleuinge vnser Stedere
ingesegel witliken hengen heten nedden an dessen breff.
Ge-uen vnde schreuen na Christi, vnses heren, gebordt dusent
veerhundert veer vnde negentich am auende Johannis
Baptiste.
Efter original-oonceptet i Lübecks Eàdhus-Arkiv.
<< prev. page << föreg. sida << >> nästa sida >> next page >>
