Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
287
192.
K. Johan till rådet i Danzig, om Sten Sture och
uppresningen i Sverige, med begäran om afbrytande af all
handelsförbindelse med de upproriska, dat. Flensborg d. 19
Nov. 1501.
Jobann van Godes gnaden to Denmargken, Sweden,
Norwegen, der Wende vnde Gotten konyngk, Hertogh
to Sleszwigk ock hertog to Holstenn, Stormarn vnde
der Dytmerschen, Greue to Oldenborg &c.
Vnnsze sunderge gunste touorenn, Erszamen leuen
be-sunderenn. Wy fugen juw to wetende, alszdenn in dessem
negestuorgangen winter vnnse Rikess redere to Sweden, dat
wy suluest tor stede kamen wolden marglichere werue
haluen, deme suluesten vnnsem rike andrepende, an vnns
vorfordert vnde geschreuen hadden, hefft däruppe vnse
hoffmeistere vnses vorgnanten Rickes to Sweden her Stheen Sture
Ritter vns darto sundergen geraden vnde scrifftlich an vns
beschigket, dat wy nenerleyewise dar in vnnseme rike starck
van reisigen tuge, men alleyne mit ringen volke vnde perden
kornen scholden, nach deme dar van vittallie vnde nottroft
ton perden dure tijt were, vppe dat vnse gemeynheyt vnde
buren desse myn beswaret mochten werden, des wy to deme
besten gekeret vnde in guder meyninge. in gefolliget hebben,
vnde süss myt vnseme leuen gemahle mit kleynem volke dar
ingetogen vnde beth tome Stockeszholme gekamen syn. Alss
wy denn mit vnsen Rederen darsulues vnnse werue
geschig-ket vnde geendiget hadden, vnde vppe vnnse reyse vth
vnnseme riche to Sweden wedderumme in vnnseme rike to
Den-nemargken to reysende vere dachfart van Stockholme weren
gekomen, hebben wy tidinge gekregen, dar de gènante her
Stheen Sture jegenwardich by vns was, wo dat eyner Stheen
Christiernsson genant schole eynen vnser amptmannen vppe
vnnseme houe angefallen, geslagen vnde den suluesten
vnn-sen hoff berouet hebben, darumme wy vorth wedderumme to
rugge na deme Stockssholme getagen, vnde szo wy dar
tor-stede gekamen syn, hebben wy warafftigen erfahren, wo wy
<< prev. page << föreg. sida << >> nästa sida >> next page >>
