Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - 13. 1526. 5. Aug. (Segeberg). Reces mellem Frederik I og Lybæk angaaende lybske Borgeres Fordringer paa Gæld og tilbageholdte Renter og Afgifter i Hertugdømmerne
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
1526. 5. Aug. 67
5*
durch gutliche und fruntliche handelnnge und voreininge dusse
nabescreven meninge bewillet und avereyn gekamen:
7. Dat alle de burgere, inwanere und andere bynnen der
stadt Lubegk, so eyn edder twe jare ungeverlich tovorn, er ko.
mat. de helfte der furstendome und de ryke bekamen, erovert
und an sich gebracht, in der horinge gewesen und orer rente
und tynse betalinge und entrichtinge erlanget und gekregen,
van der tydt synes koniglichen regimentes an bet nu to und
vortan alle jare van termynen to termynen orer tynse und rente
aldar, dar ore vorscryvinge luden, inholt erer segel und breve
nuchaftige und geborliche betalinge und entrichtinge scholen
hebben, und darinne wyder keyne utflucht edder exception
werden vorgenamen.
2. De anderen averst. den ore rente lange jar her um
betalet, upgetagen und vdrentholden, und so mit den olden
edder vorlegenen breven gedencken to manen, desulven scholen
na vormoge orer breve und segel ere borgen und underpande
in den bemelten furstendome aldar, dar desulven geseten und
belegen, myt rechte forderen und manen mogen, dar eynem
ideren ock in dem falle so vele als recht wedderfaren und be
jegenen schall. Welche breve averst machtlos muchten erkandt
werden edder de ock susts tovorn vorbraken edder dot ge
handelt syn edder noch werden mochten, desulven scholen van
keynen werden wesen.
3. Und eyn erbar raidt der stadt Lubegk schall darent
baven und hirnamals ko. w. solcher schulde halven wyder
keyne vormanynge don, jodoch den parten in eren rechten
unvorfenglich und unschedelich.
4. So vele averst dem afsproke der erbarn rede to Ham
borch und Lunenborch up etliche jarliche tynse ut dem tollen
to Gottorp, vormals eynem Marquarde van Renen, do tor tydt
burger to Lubegk, vorsegelt, vorledener jare afgespraken be
langet, darmede syndt de parte, de darto horen, an ko. w. re
mitteret, de sick ungetwyfelt der gebore gnedichlichen darinne
werden to schicken und to holden weten, alles ane geferde.
Gescheen im kloster to Segeberge am sondage na Petri ad
vincula im jare vofteinhundert sosundtwyntich. Und to orkunde
der warheit, dat dit alles in maten, wo baven gescheen, be
willet und belevet, syn dusser schrifte dree, darvan de eyne by
<< prev. page << föreg. sida << >> nästa sida >> next page >>
