Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
245
1536. 5. Okt.
A
zu freuntschaft dy hulfe vermuge vorriger vorstentnisse 1 zu be
rurten ader auch knnftigen sachen, die sich bemelter konigreich
Dennemarck und derselben zugehorung halben in vorriger ste
hender verste[nt]nis weyter zutragen und begeben mochten, uf
eynmal thun und leysten und daruber icbtes ferrer zu helfen
nicht schuldig, es were dan, das konigliche wirde ausserhalb
itziger vhede der orter ader sunsten der religion, walhe und
ander sach halben vorgewaldigt und uberzogen wolt werden, uf
den fall wollen wir uns gegen seiner koniglichen wirde mit be
rurter hilf, in massen wir von seiner koniglichen wirde gleichs
fals herwidder auch wollen gethan nemen, erzeigen.
10. Wan dan die zeit der obgemelten sechs jar verlauffen
ist und dan vor gut angesehen wirdet diese eynung lenger zu
erstrecken, soll und mag dasselbig alsdan mit wissen aller theil
auch also furgenomen und volnendet werden.
11. Darneben ist auch beret, das eynunge,
buntnisse und vertrege, so wir der konig Cristian mit etlichen
der ernenten fursten hievor haben, in iren gantzen kreften und
wirden unvorrugt bleyben sollen, doch so die hulf, in dieser
eynung, wy obgemelt, vorleibt, gleistet wirdet und im werck ist,
sollen dy andern hulf, so sunst unser eyner dem andern zu thun
schuldig ist ader sein mocht, mitlerzeit ruwen und stille stehen.
12. Alle disse obgemelte artickel und inhaltung gereden
und vorsprechen wir obgedachten, konig, curfurst, fursten, grafen
und herren, bey unser koniglichen, curfurstlichen, furstlichen
und grefelichen waren worten, trauwen und gelauben stete, veste
und unvorbruchlich zu halten, dy in alle wege, so ofl und dicke
des nodth geschicht, zu volnzihen, an alle geferde.
Des zu urkunde haben wir obgedachten, konig, curfurst,
fursten und graven, unser ides insigel an diesen brief wissentlich
thun hengen. Wilcher brief gegeben ist am donerstag nach Mi
chaelis im jar, als man zalt nach Cristi unsers herren geburt
tausent funf hundert dreyssig und sechs.
Cristian. Jo: Fridrich, churfurst
manu propria subscripsit
Ernst Frantz Philips 1. z. Hessen.
manu propria, manu propria.
1 22. Jan. 1532 (Nr. 24).
<< prev. page << föreg. sida << >> nästa sida >> next page >>
