Full resolution (JPEG) - On this page / på denna sida - Danmark-Norges Traktater 1561—88 (Traités du Danemark et de la Norvège 1561—88) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Nr. 9. 151
1568. 21. Juli.
is hirbi to mercken, wat be osten dem hogen stene is, alse de
weide, de suder struck, und wat be suden und be osten dem
struck is bet up den nien graven und hen vor der Heide, dat
de Sudereggen 1 tor Heide, Loher und Rikelshaver tosamende
gebruket hebben, also vordan gebruken schollen.
Hir endet sick Loher und Rikelshaver veldtmarcke und
kamen Rostorper und Braaker daran, Rostorper up Heider und
Braaker up Hemmingsteder siden, und strecket sick de schede,
wo folget: Erstlick ut dem fortgraven recht ost up bet an
Woldt Reimers sinen kroch, be suden dem kroge umb, und
dat so vort up an den Schyringesmohr, van den Schyringsmohr
ein weinig suthwest umb van dem einem pale to dem andern,
und steit de suthwesterste pal to norden an Bråker wisk, van
dem pale vort ost up bet in Esschenssehe, de den Rostorper
tohoret, als de grave utwiset, ut den Esschenssehe in de lange
Lehe, als de grafte utwiset, und so fort bet in den landtgra
ven, und so fort den landtgraven entlanck bet in den Vielsehe 2.
De scheding des burschoppes Fedderingen, welcks
dem Suderdele, als vorgeschreven, ock togelecht
worden, sin angewiset und betekent, wo nafolget:
Erstlick van der marsk int suden durch den olden graven
wente an den stein, de up de hogede steit, Gleve to osten, Fed
deringen to westen, van den stein den weg int sudtwest ent
lanck bet up den stein, de up dem Westerfelde steit be norden
Klinckersberg, die weg midden de schede; van dar int suthost
aver up den stein, de bi den breden weg ligt, Cleve to nordt
osten, Fedderingen to sudtwesten, van dar int norden den weg
entlanck bet up den stein, so up den ersten anschoth steit be
osten dem wege, Cleve to westen, Fedderingen to osten, van
den stein int osten dal up den weg, dar ock ein stein steit,
Cleve to norden, Vedderingen to suden; van den stein int suth
ost bet up den weg, dar de stein steit, Cleve to northosten,
Fedderingen to sudtwesten, und schollen beide burlage die
weide vordan mit erem kwecke bruken, als betherto gescheen;
van dar bet up den stein, de up den Lutkenberg steit, den weg
negst be osten 3 dem roggenkampe de schiede, Cleve to osten,
1 H: Suderegge. 2 H: bet in Vilsssehe. 8 H: den weg benegest dem osten.
<< prev. page << föreg. sida << >> nästa sida >> next page >>
