36 (Dissertatio Medica De Foeda Lue dicta Venerea)

Full resolution (JPEG) - On this page / på denna sida - Sidor ...

scanned image

<< prev. page << föreg. sida << >> nästa sida >> next page >>

Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

dixere, idque avide amplexi sunt; quasi beneficio quodam
Numinis singulari contigisset, ut quibus terris fœdam Luis
originem exprobraremus, illis ipsis etiam deberemus
remedium. Fracastorius eleganter: [1]

Salve magna deum manibus, sata semine sacro,
Pulcra comis, spectata novis virtutibus Arbos,
Spes hominum, externi decus, nova gloria, mundi.
Fortunata nimis, natam si Numina tantum
Orbe sub hoc, homines inter gentemque Deorum
Perpetua sacram voluissent crescere silva.
Ipsa tamen, si qua nostræ te carmine Musæ
Ferre per ora virum poterint, hac tu quoque parte
Nosceris, cœloque etiam cantabere nostro.
Si non te Bactra, & tellus extrema sub Arcto ,
Non Meroë, Libycisque Ammon combustus arenis,
At Latium, & viridis Benaci ad flumina ripa
Audiet, & molles Athesi labente recessus.

Argenti vivi in Medicina usum, scabie præcipue &
impetigine, & vitiligine Saraceni Medici & Arabes primo
introduxere, fatentibus id ipsum Montano [2] & Palmario. [3]
Adeoque quorum imperii nulla in Europa exstare vestigia vel
rudera passa est Christiana gens, horum tamen monumentis
& scriptis humanum genus tanti momenti beneficium
acceptum ferre debeat. Hujus autem metalli in Lue curanda,
efficacia secretissime primum habita fuit, unde contingere
facile potuit, ut, confluentibus undique ad unum vel alterum
Medicum ægrotis, hi soli mercedem operis sui & præstiti
beneficii acceperint amplissimam, quam posteris illorum
fortuna minime indulsit. Capivaccius Italus, Professor
Patavinus, gloriatur, se ex sola venereæ luis curatione octodecim
millia Coronatorum fuisse lucratum. Et Jacobo Carpensi,
Bononiensi Medico, qui inter primos luem per mercurium
curandi methodo usus est, quadraginta millia scutorum

[1] Lib. 3. Siph. ad fin.
[2] Cons. m. 350.
[3] d. Hydrarg. c. 2.

<< prev. page << föreg. sida << >> nästa sida >> next page >>

Project Runeberg, Sat Dec 9 19:38:25 2023 (aronsson) (diff) (history) (download) << Previous Next >> https://runeberg.org/defoedalue/0044.html

		Dissertatio Medica De Foeda Lue dicta Venerea / 36 (1705) Author: Johan Lindestolpe With: Lars Roberg - Tema: Medicine Table of Contents / Innehåll \| << Previous \| Next >>
	Project Runeberg \| Catalog \| Recent Changes \| Donate \| Comments? \|