Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
41- BONDESTUDENTAR
drøymde um Inga, som han vilde skrive Friarbrev til,
so snart han vart Student. Og han gjorde Vers um
sin store Elskhug. Det var eit strævalt Arbeid aa gjera
Vers; men det var so hyggjelegt aa stelle med noko
som vedkom „Henne".
Heile Skulen var som leid av seg i denne Tidi.
Gutane forsømde, Lærarane stundom med. Leksune
dei fekk var so stutte at dei kom ingin Veg; og endaa
laut dei Gong paa Gong taka deim upp att, av di ingin
lærde deim.
Fraa Januar var det komi tvo nye Gutar inn i Klassa,
den eine ein Lensmannsson, Ole Bentsen, den andre,
Peter Didriksen, Son av ein Høker paa Nese. Med
desse prøvde Klassa ei Stund aa hava Moro; men det
vart ikkje noko av. Dei visste aa klara seg, desse
tvo. Godt heldt dei ihop; og klokt stelte dei seg.
Ole Bentsen var tagall og likeglad som ein Sælhund,
so honom beit inginting paa; og Peter Didriksen —
som elles vart heitande Peter Dirk—, visste aa svara
for seg so snøgt og smaalentugt, at ingin var god for
aa maalbinde han. Daniel og Kristian prøvde ei Stund
aa halde Lag med desse tvo Karane; dei var daa
Landsfolk, dei au. Men Ole Bentsen og Peter Dirk
vilde nok helst hava finare Lag. Det var Gutar som
visste aa greide seg. Dei var med paa jamvel faarlege
Ting, som Kortspel, ja um det var ei halv Flaske 01
med Sigar; men dei visste alltid aa stelle seg so, at
um gali skulde gaa, so kunde ikkje dei faa Skuldi.
Lesehestar var det av Velten. Men dei jamra yvi at
det gjekk so smaatt; og Hausten etter melde dei seg
ut av Skulen og reiste til Kristiania; ein kunde faa
Eksamen baade snøggare og billegare naar ein gjekk
paa „Fabriken", sa dei. —
— Endeleg tok det til aa lide fram mot Aarsprøva.
Daa vart det ein annan Dans; det tok til aa livne og
kvikne i baade Gutar og Lærarar, liksom det vert
Uro i ein Smalagarde, naar det dreg upp til Uver. No
<< prev. page << föreg. sida << >> nästa sida >> next page >>
