Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
286
MANNFOLK
Det var ein Saknad som laag og sleit for Bringa
hans all Tid, so han var fredlaus Mann. Det var som
han aldri meir kunde kjenne Glede. Det laag og glødde
under Hjartekula som ein saar, brennande, bundin Graat.
Med henne kunde heile Live vori Moro; utan henne
visste han knapt kva han skulde gjera med det.
Men han var ikkje den som gav seg yvi! Ein var
daa Mannfolk, for Fanden; og det skulde vera smaatt
Stell um ein ikkje klara ein slik Ting! Han manna
seg upp, og banna seg upp, og sette seg kvar Dag
fyri at han vilde gløyme. Og han vilde ikkje gaa
lenger og liva som ein Munk og ein Einstøding for
ein Tings Skyld som var ein Draum og aldri vart
anna enn ein Draum. Var Verdi vrang, so fekk han
au slaa seg vrang. Berre han slog seg glad og livde
med dei glade, so gjekk vel alt lettare.
Stakkars Constance; henne hadde han vori leid imot.
Herregud; ho var ikkje av deim som hadde noko aa
krevja. Men ho hadde daa alltid vori snild. Og
dessutan, kva skulde ein segja? Liva av aa staa Modell
kunde ho ikkje, helst daa ho hadde denne Far sin aa
draga paa; men at ho i Grunnen var bra Gjente, det
vilde han døy paa. Han vilde gaa der ut ein Gong
og gjera det godt att; jagu vilde han so. Kvi skulde
han ikkje det? Der var ingin som hadde noko med
aa krevja Rekneskap av honom. —
— Naar han vart so kald at han tok til aa skjelve,
berga han seg aat Sengi. Der tenkte han dei same
Tankane upp att og upp att til Svevnen kom.
Men var det vondt aa koma i Seng, so var det
endaa verre aa koma upp att.
Det var ein ufysin, innsur, gjenomvaat Maandags
Morgo; han vakna tidleg; det eine Aaklæde var glidi
ned paa Golve, og han fraus.
Sidan laag han og dorma ei Stund, men fekk ikkje
sova.
Lufti i Rome kjendest som ein tett, kald Eim, so
<< prev. page << föreg. sida << >> nästa sida >> next page >>
